Ukulungele Yini Kubhekana Netiyaluyalu?

Njengobe kuphela kwalelive kusondzela, silindzele kutsi kube netiyaluyalu, tento tebudlova kanye nekwandza kwetimphi. (Sem 6:4) Singakulungela njani loko lokutokwenteka esikhatsini lesitako?

• Ciniseka kutsi uhlala wetsembekile kuJehova: Funa timiso letiseBhayibhelini nemavesi latawucinisa indlela lometsemba ngayo Jehova kanye nenhlangano yakhe nalakusita kutsi ungalutsatsi luhlangotsi. (Tag 12:5; jr-ZU 125-126 ¶23-24) Nyalo sikhatsi sekutsi wakhe bungani lobucinile nelibandla.—1Ph 4:7, 8

• Ciniseka kutsi unako konkhe lokudzingako kuze uhlale uphilile: Hlela kutsi uhlale uphephile nangabe ungeke ukhone kubaleka futsi ube netintfo letenele lotatidzinga. Hlela kutsi utawubalekela kuphi. Hlola lokusesikhwameni sakho setimo letiphutfumako futsi ufake netintfo tekutivikela nemali. Yati indlela yekuchumana nalabadzala belibandla futsi uciniseke kutsi banayo indlela yekuchumana nawe.—Isa 32:2; g17.5 3-7

Ngesikhatsi setiyaluyalu, chubeka ucinisa buhlobo bakho naJehova. (Flp 1:10) Gwema kwehla wenyuka ngaphandle kwalapho sewubaleka. (Mat 10:16) Phani labanye kudla kanye netintfo labatidzingako.—Rom 12:13.

BUKELANI I-VIDEO LETSI UNGAKULUNGELA NJANI KUGADLA KWESEHLAKALO? BESE NIPHENDVULA LEMIBUTO LELANDZELAKO:

• Jehova angasisita njani nakunesehlakalo?

• Ngutiphi tintfo lesingatenta kuze sitilungiselele nakugadla sehlakalo?

• Singabasita njani labo labehlelwe sehlakalo?