KUPHILA KWEMAKHRISTU

Ukulungele Yini Kubhekana Nekuwa Kwemnotfo?

Akusimangalisi nangabe sibona tintfo letenteka emhlabeni wonkhe tenta kutsi simo semnotfo siwe. Leni? Ngobe siphila encenyeni yekugcina yemalanga ekugcina futsi liBhayibheli lisecwayisa kutsi singabeki litsemba letfu “emcebeni lophelako.” (1Tm 6:17; 2Tm 3:1) Sibonelo seNkhosi Jehoshafati singasifundzisani mayelana nekulungela kubhekana nekuwa kwemnotfo?

Ngesikhatsi asongelwa tive letititsa, Jehoshafati wetsembela kuJehova. (2Tk 20:9-12) Waphindze walungiselela lesive kusengaphambili ngekutsi abiyele emadolobha futsi wakha netinkambu temasotja. (2Tk 17:1, 2, 12, 13) NjengaJehoshafati, senta kahle kutsi setsembele kuJehova siphindze sitilungiselele kute sibhekane netikhatsi letimatima.

YINI LESINGAYENTA KUZE SILUNGELE KUBHEKANA NEKUWA KWEMNOTFO?

Cinisa buhlobo bakho naJehova: Yenetiseka ngaloko lonako, futsi ucinise litsemba lakho kuJehova kutsi utatinakekela tidzingo takho tamalanga onkhe. (Mat 6:26; 1Tm 6:8) Ciniseka kutsi awuyekeli kusebentisa timiso teliBhayibheli kuze nje wenetise leto tidzingo. (Rom 2:21) Cabanga ngendlela longachubeka ngayo ufundza liBhayibheli kanye netincwadzi letisekelwe kulo nakwenteka kuhamba gesi ne-Internet. Beka tincwadzi letimbalwa letishicilelwe, futsi nakungenteka titsatsele (download) kusenesikhatsi tincwadzi letisentfweni yebuchwephesha.

Hlela kusenesikhatsi kutsi tidzingo letisisekelo utatitfola njani: Nciphisa tikweleti kanye netindleko letingakadzingeki ngaphambi kwekutsi ubhekane netinkinga tekuwa kwemnotfo. (Tag 22:7) Nakungenteka, beka kudla lokusesilinganisweni kanye naletinye tintfo lotatidzinga. Labanye bangahle bente ingadzi kuze bonge imali.

BUKELANI I-VIDEO LETSI UNGAKULUNGELA NJANI KUGADLA KWESEHLAKALO SEMVELO? BESE NIPHENDVULA LEMIBUTO LELANDZELAKO:

Sitfombe lesitsetfwe kule-video letsi “Ungakulungela Njani Kugadla Kwesehlakalo Semvelo?” Sitfombe lesiveta LiBhayibheli, bhaki wesehlakalo, lucingo, kanye netisebenti tekwakha.

Yini lesingayenta kuze silungele kugadla kwesehlakalo?

Your answer

Sitfombe lesitsetfwe kule-video letsi “Ungakulungela Njani Kugadla Kwesehlakalo Semvelo?” Bazalwane basita lapho kuvele sehlakalo khona ngekutsi bente umsebenti wekwakha baphindze behlise tintfo elolini.

Singakulungiselela njani kusita labanye?

Your answer