TIMISELE EMSEBENTINI WEKUSHUMAYELA | YANDZISA INJABULO YAKHO EMSEBENTINI WEKUSHUMAYELA
Sebentisa Emathulusi Ekucwaninga
Jehova usinikete emathulusi lasisita sifundzise ngelikhono, lafaka ekhatsi ema-video, emapheshana, bomagazini, tincwajana, tincwadzi kanye nelithulusi letfu leliyinhloko, liBhayibheli. (2Tm 3:16) Uphindze asinikete emathulusi ekucwaninga lasisita kutsi sichaze imiBhalo. Lamathulusi afaka ekhatsi i-Watchtower Library, i-JW Library® app, i-Watchtower ONLINE LIBRARY™ kanye ne-Lithulusi Lekucwaninga LaBoFakazi BaJehova.
Utawujabula nangabe usebentisa onkhe emathulusi lonawo kuze ucwaninge ngalokujulile eBhayibhelini. Ungakhohlwa kucecesha labo lobafundzelako indlela yekusebentisa lamathulusi. Nabo batawujabula nabatitfolela timphendvulo temibuto labanayo.
BUKELA I-VIDEO LETSI TFOLA INJABULO EKWENTENI BAFUNDZI—YEMUKELA LUSITO LOLUVELA KUJEHOVA—EMATHULUSI EKUCWANINGA, BESE NIPHENDVULA LEMIBUTO LELANDZELAKO:
Ngumuphi umbuto lowabutwa nguJade mayelana nendalo?
Neeta wakutfola kuphi kwatiswa mayelana nalendzaba?
Kusiletsela injabulo kucoca ngemaphuzu laseBhayibhelini
Ukukhetse njani kwatiswa lokutawusita Jade?
Kwamtsintsa njani Neeta kusebentisa emathulusi etfu ekucwaninga?