Tincenye Letilusito Tencwadzi Letsi Jabulela Kuphila Kuze Kube Phakadze!

Uyakujabulela yini kusebentisa ema-video noma imibuto lefuna umnikati welikhaya asho umbono wakhe kulencwadzi letsi Jabulela Kuphila Kuze Kube Phakadze!? Uyatijabulela yini naletincenye letitsi “Labanye Bantfu Batsi,” “Umgomo,” “Nalokunye Longakuhlola”? Ngutiphi letinye tincenye longatitfola tilusito usenta lomsebenti wekwenta bafundzi?​—Mat 28:19, 20.

Ema-video nalokulalelwako: Ungawatfola njani ema-video kanye nalokunye lokulalelwako endzaweni yinye nangabe usebentisa incwadzi leshicilelwe nawuchuba sifundvo seliBhayibheli? Kulencwadzi yakho lesentfweni yebuchwephesha, khetsa incenye yinye kuleti letine. Ekugcineni kwetihloko tetifundvo, chafata lencenye letsi ema-video nalokulalelwako kwaleyoncenye. (Buka sitfombe 1.)

Incenye letsi “Printed Edition”: Nangabe udadisha nalotsite liBhayibheli usebentisa lencwadzi lesentfweni yakho yebuchwephesha, ungakutfola kulusito kusebentisa lencenye letsi “Printed Edition” ngaletinye tikhatsi nawusachuba lesifundvo. Nanisesekulesifundvo, chafata lama-dot lamatsatfu lavela lapha etulu bese uchafata lencenye letsi “Printed Edition.” Lendlela lehleleke ngayo itakusita kutsi ubone loko lenicoca ngako kutsi kuhlangana kanjani nalesihloko salesifundvo lenisifundzako. Kuze ubuyele ku-digital edition, phindze uchafate lama-dot lamatsatfu bese uchafata lencenye letsi “Digital Edition.”

“Sengikulungele Yini?”: Lamabhokisi langasekugcineni kwalencwadzi aveta tintfo letingakwenta kutsi ukufanelekele kushumayela nelibandla futsi ubhajatiswe. (Buka sitfombe 2.)

Incenye letsi Emaphuzu: Lencenye ichaza kabanti ngetihloko letimcoka. Encwadzini lesentfweni yebuchwephesha kune-link ekugcineni kweliphuzu ngalinye lekuyisa lapho ugcine khona kulesifundvo. (Buka sitfombe 2.)