Silungiselele Nyalo Simo Lesiphutfumako Sekwelashwa

Kungani kufanele silungiselele? Simo lesiphutfumako sekwelashwa kanye nekugula kungasifikela singakakulindzeli. Ngako tilungiselele nyalo kute utotfola kwelashwa lokufanele nakuvela simo lesiphutfumako. Nawenta njalo, utawube ukhombisa kutsi uyakuhlonipha kuphila kanye nemtsetfo waJehova mayelana nengati.​—Imi 15:28, 29.

Yini longayenta kuze ulungiselele?

• Thantaza futsi utinike sikhatsi sekugcwalisa likhadi lengati (DPA).a Bamemeteli lababhajatisiwe bangalitfola encekwini yetincwadzi lelikhadi le-DPA kanye ne-Identity Card (ic) yebantfwana babo labasebancane

• Nangabe ukhulelwe, cela labadzala belibandla kutsi bakunikete lifomu lelitsi Kwatiswa Lokulungiselelwe BoMake Labakhulelwe (S-401). Lelifomu litakusita wente tincumo letikahle mayelana nekwelashwa nakwenteka kuvela tinkinga nawusekhulelwe nobe nawubeleka

• Nangabe udzinga kwelashwa lokungahle kutsintse ingati nobe ulaliswe esibhedlela, yatisa labadzala kusenesikhatsi uphindze watise sibhedlela kutsi utawuvakashelwa bazalwane labaBoFakazi BaJehova.

Labadzala belibandla bangasita njani? Bangakusita ugcwalise likhadi lakho le-DPA. Nobe kunjalo, labadzala angeke bakwentele tincumo nobe bavete imibono yabo nakutiwa endzabeni ledzinga kutsi umuntfu atincumele yena. (Rom 14:12; Gal 6:5) Nangabe watisa labadzala belibandla kutsi ubhekene nesimo sekwelashwa lesitawutsintsa ingati, ngekushesha nje batawuchumana neKomidi Yekubonisana Netibhedlela (HLC).

Ingasita njani iKomidi Yekubonisana Netibhedlela? Bazalwane labangemalunga eKomidi Yekubonisana Netibhedlela baceceshiwe kuze basite bodokotela kanye nebemtsetfo bacondze tinkholelo tetfu mayelana nengati. Bangacoca nadokotela wakho ngetindlela tekwelashwa letingeke tidzinge kutsi umpontjelwe ingati. Nakunesidzingo, bengakusita kutsi utfole dokotela lotawukhona kukwelapha ngaphandle kwekusebentisa ingati.

BUKELANI I-VIDEO LETSI INDLELA YEKWENTA TINCUMO TEMPHILO NGALOKUPHATSELENE NENGATI, BESE NIPHENDVULA LOMBUTO LOLANDZELAKO:

• Yini loyifundzile kule-video letakusita kutsi usilungele simo lesiphutfumako sekwelashwa lesidzinga ingati?

  Your answer