Tibekele Imigomo Ngesikhatsi SeSikhumbuto

Njalo ngemnyaka, bantfu baJehova balangatelela kuba seSikhumbutweni ndzawonye. Emavikini langaphambi kweSikhumbuto nangemuva kwaso, sisebentisa ematfuba lakhetsekile kute sidvumise futsi sibonge Jehova ngesipho senhlawulo. (Efe 1:3, 7) Sibonelo nje, sisebenta ngekutimisela kuze simeme labanye eSikhumbutweni. Labanye bayakhona kuhlela kute babe ngemahlahlandlela lasitako futsi bashumayele ema-awa langu-30 nobe langu-50 ngenyanga yaMarch nobe yanga-April. Ungatsandza yini kwandzisa sikhatsi losicitsa ensimini ngesikhatsi seSikhumbuto? Yini lengakusita kuze uphumelele?

Ngalokuvamile, kuba kunyenti lokufezako nangabe uhlela kusengaphambili. (Tag 21:5) Njengobe Sikhumbuto sisondzela ngekushesha, nyalo sikhatsi sekutsi ucale kuhlela. Cabanga kutsi ungawandzisa njani umsebenti wakho wekushumayela ngesikhatsi seSikhumbuto, bese uyancuma kutsi yini lotayenta kuze ufinyelele imigomo yakho. Ngemuva kwaloko, cela Jehova kutsi abusise imetamo yakho.​—1Jh 5:14, 15.

Tikhona yini letinye tindlela longaticabanga kuze wandzise umsebenti wakho wekushumayela ngesikhatsi seSikhumbuto?