Ulisebentisa Kahle Yini LiBhayibheli Lelilalelwako?

Liyini liBhayibheli lelilalelwako? LiBhayibheli lelilalelwako Lihumusho Lemhlaba Lomusha lelirekhodiwe. Likhululwa kancane kancane ngetilwimi letinyenti. Lokunakekako ngaleliBhayibheli kutsi lisebentisa emavi lahlukahlukene kumuntfu ngamunye loseBhayibhelini. Emagama afundvwa ngendlela lefanele naleveta imiva kuze umlayeto loseBhayibhelini wendluliselwe ngendlela lengiyo.

Labanye bantfu bazuza njani ngekusebentisa leliBhayibheli lelilalelwako? Bantfu labanyenti labalilalela njalo leliBhayibheli bakujabulele kuva indlela lelenta ngayo liVi laNkulunkulu kutsi liphile. Nabeva livi lelehlukile kumuntfu ngamunye loseBhayibhelini, ngeliso lengcondvo bayakhona kutibona kancono tintfo letenteka eBhayibhelini baphindze bakucondze kahle loko lokubhaliwe. (Tag 4:5) Bantfu labanyenti batfola kutsi kulalela leliBhayibheli kubenta bajabule nabacindzetelekile.—Hl 94:19.

Kuva liVi laNkulunkulu lifundvwa ngalokuvakalako kungatitsintsa timphilo tetfu. (2Tk 34:19-21) Nangabe liBhayibheli lelilalelwako litfolakala lonkhe nobe incenye yalo ngelulwimi lolucondzako, ungakhona yini kulilalela njalo?

BUKELANI I-VIDEO LETSI KUKHICITWA KWELIBHAYIBHELI LELILALELWAKO​—INCENYE, BESE NIPHENDVULA LOMBUTO LOLANDZELAKO:

Yini lekujabulisile wena mayelana nekukhicitwa kweliBhayibheli lelilalelwako?