Lokungakusita Kutsi Uhlale Ufundza LiBhayibheli Onkhe Malanga

Njengobe kukunyenti lokufanele sikwente, ukutfola kumatima yini kunamatsela eluhlelweni lwakho lwekufundza liBhayibheli onkhe malanga? (Josh. 1:8) Nangabe kunjalo, yetama kwenta naku lokulandzelako:

• Cupha lokutakukhumbuta onkhe malanga. Cupha i-alarm entfweni yakho yebuchwephesha letakukhumbuta kutsi ufundze liBhayibheli.

• Beka liBhayibheli lakho lalitawubonakala khona. Nawufundza liBhayibheli leliphrintiwe, libeke lawutalibona khona onkhe malanga.​—Dut. 11:18.

• Lalela lokurekhodiwe. Lalela lokurekhodiwe njengobe wenta imisebenti yamalanga onkhe. Lomunye dzadze lokutsiwa nguTara lolihlahlandlela futsi lonebantfwana, losebenta ebusuku utsi: “Kulalela kufundvwa kweliBhayibheli lokurekhodiwe nangenta imisebenti yasekhaya kungisita kutsi ngingaphutsi eluhlelweni lwami lwekufundza liBhayibheli.”

• Ungaphelelwa ngemandla. Nangabe timo lebewungakatilindzeli tiphatamisa luhlelo lwakho, fundza nobe sengemavesi lambalwa ngaphambi kwekutsi ulale. Ngisho nobe ufundza lokuncane ngelilanga, kungadlala indzima lenkhulu.​—1 Phet. 2:2.