Longatidadishela Kona Nobe Leningakwenta Ekukhonteni Kwemndeni

Asigcini nje ngekukhonta Jehova nasisemihlanganweni yelibandla, yesigodzi neyesifundza, kodvwa siphindze simkhonte sisodvwa nalapho sinemindeni yetfu. Nati letinye tintfo longatenta nawutidadishela nalapho nenta kukhonta kwemndeni:

• Lungiselelani imihlangano yelibandla. Ningaphindze niphrakthize tingoma futsi nisite onkhe emalunga emndeni kutsi alungiselele imphendvulo.

• Fundzani indzaba leseBhayibhelini. Ngemuva kwaloko ningadvweba sitfombe salokwenteka kulendzaba nobe nikubhale phansi loko lenikufundzile.

• Fundzani ngemthantazo lotsite loseBhayibhelini futsi nicoce ngekutsi unganisita njani kutsi nitfutfukise imithantazo yenu.

• Bukelani i-video leku jw.org futsi nicoce ngayo nalabanye nobe nibhale lenikufundzile kuyo.

• Lungiselelani umsebenti wekushumayela, ningaze niphrakthize loko lenitakusho.

• Bukani indalo futsi nicabangisise nobe nicoce ngaloko lenifundzisa kona ngaJehova.a