Fundza Etitfombeni

Tincwadzi tetfu tinetitfombe letinemaphuzu labalulekile. Yini longayenta kuze ufundze lokunyenti etitfombeni?

• Buka titfombe ngaphambi kwekutsi ufundze sihloko. Titfombe tingakwenta ufune kutfola kutsi lesihloko sikhuluma ngani futsi tikwente ube nesifiso sekusifundza. Nawubona kudla lokubonakala kumnandzi, ubese ufuna kukudla. Ngako tibute: ‘Tinjani letitfombe?’​—Amo. 7:7, 8.

• Njengobe ufundza lesihloko, cabanga ngekutsi yini leyente kwakhetfwa letitfombe letisetjentisiwe. Fundza emagama langaphansi kwetitfombe nobe kuchazwa kwato nangabe kukhona. Cabanga ngekutsi lesitfombe sihlobana njani nendzaba lokukhulunywa ngayo nekutsi loko lokufundza kuso ungakusebentisa njani ekuphileni kwakho.

• Ngemuva kwekufundza lesihloko, sebentisa letitfombe kuze ucabange ngemaphuzu layinhloko. Ngemuva kwaloko, vala emehlo futsi wetame kukhumbula letitfombe naloko lokufundze kuto.

• Kungaba njani uphindze ubuke titfombe letikulomagazini futsi ubuke kutsi usakukhumbula yini loko letikufundzisako?