LiVi LaNkulunkulu Linawo Yini Emandla Ekuphileni Kwakho?

Kufundza liBhayibheli onkhe emalanga kungasisita kutsi ‘sicine’ futsi ‘sisime nasekukholweni.’ (Khol. 2:6, 7) Nome kunjalo, kute liVi laJehova libe nemandla ekuphileni kwetfu kufanele sizindle ngalo futsi sitisebentise timiso letikulo. (Heb. 4:12; Jak. 1:22-25) Joshuwa 1:8 ukhuluma ngetindlela letintsatfu letingasisita ekufundzeni liBhayibheli: (1) Fundza liVi laNkulunkulu “busuku nemini.” (2) ‘Cabangisisa ujule kulo’ lokusho kutsi ulifundze ngendlela letakuvumela kutsi uzindle futsi ukubone ngeliso lengcondvo loko lokufundzako. (3) Ngekutimisela, kusebentise ‘konkhe lokubhalwe kulo.’ Kusebentisa letindlela kutasisita kutsi ‘siphumelele’ futsi ‘kube kuhle kitsi’ kuloko lesikwenta onkhe emalanga.