83 Molimo, u se ke ua thōla;+

U se ke ua lula u sa bue, ’me u se ke ua khutsa, Uena Ea Nang le Bomolimo.+

 2 Etsoe, bona! lira tsa hao li ferekane;+

Ba u hloileng haholo ba phahamisitse lihlooho.+

 3 Ka mano ba ntšetsa pele lekunutu la bona khahlanong le batho ba hao;+

Ba rerela ba patiloeng ba hao bolotsana.+

 4 Ba itse: “Tloong ’me re ba feliseng hore e se ke ea e-ba sechaba,+

E le hore lebitso la Iseraele le se ke la hlola le hopoloa.”+

 5 Etsoe ka lipelo ba eletsane hammoho ba kopane;+

Ba hlabile selekane khahlanong le uena,+

 6 Litente tsa Edomo le Baishmaele, Moabe le Bahagare,

 7 Gebale le Ammone+ le Amaleke,

Filistia+ hammoho le baahi ba Tyre.

 8 Hape, Assyria e ikopantse le bona;+

Ba fetohile letsoho la bara ba Lota.+ Selah.

 9 Ba etse joalokaha u ile ua etsa Midiane,+ joalokaha u ile ua etsa Sisera,+

Joalokaha u ile ua etsa Jabine+ phuleng ea molapo o phoroselang ea Kishone.+

10 Ba ile ba felisoa Ene-dore;+

Ba fetoha moiteli bakeng sa mobu.+

11 Ha e le bahlomphehi ba bona, u ba etse joaloka Orebe le joaloka Zebe,+

Babusisi bohle ba bona u ba etse joaloka Zeba le joaloka Zalmuna,+

12 Ba itseng: “A re ithueleng libaka tsa bolulo tsa Molimo.”

13 Molimo oa ka, u ba etse joaloka setsokotsane sa meutloa,+

Joaloka litlhaka tse fefoloang ke moea.+

14 Joaloka mollo o chesang moru+

Le joaloka lelakabe le tlabolang lithaba,+

15 E se eka u ka ba lelekisa ka sefefo sa hao se matla ka tsela eona eo+

E se eka u ka ba khathatsa ka moea oa hao oa sefefo.+

16 Tlatsa lifahleho tsa bona ka ho hlompholoha,+

E le hore batho ba ka batla lebitso la hao, Jehova.+

17 E se eka ba ka hlajoa ke lihlong ’me ba khathatseha ka linako tsohle,+

E se eka ba ka soaba ’me ba timele;+

18 E le hore batho ba ka tseba+ hore uena, eo lebitso la hao e leng Jehova,+

Uena u le mong u Ea Phahameng ka ho Fetisisa+ holim’a lefatše lohle.+