Ha Bophelo bo Eba Thata

Ka mohlala, Sally,a ya dulang United States, ya ileng a lahlehelwa ke dintho tse ngata ka lebaka la lehodiotswana, o re: “Ke ne ke se ke sa kgone ho mamella. Ke ne ke utlwa ekare lefatshe le ka petsoha ka kena.”

Bothata bo bong ke ha motho eo o mo ratang a hlokahala. Janice, ya dulang Australia o re: “Ke ile ka utlwa bohloko bo otlang pelo ka mora hore bara ba ka ba babedi ba hlokahale. Ke ile ka rapela Modimo ka re: ‘Ka kopo, ha ke sa kgona ho mamella bohloko bona! Ntlohele ke shwe. Ha ke sa batla ho phela.’”

Ka lehlakoreng le leng, Daniel o ile a utlwa bohloko bo sa tsweng madi ha mosadi wa hae a ne a sa mo tshepahalla. O re: “Ha mosadi wa ka a mpolella hore ha a ka a tshepahala, ke ile ka utlwa eka pelo ya ka e ya ema. E ne eka hona le motho ya ntseng a nhlaba ka thipa mme ke ile ka ikutlwa ka tsela ena ka dikgwedi tse mmalwa.”

Makasine ena ya Tora ya ho Lebela e tla re bontsha hore na ke hobaneng ha bophelo e le ba bohlokwa le haeba re hlahelwa ke

• Dikoduwa tsa tlhaho

• Ha motho eo o mo ratang a hlokahala

• Ha molekane a sa tshepahale

• Ha o kula haholo

• Ha bophelo bo eba thata

Ntlha ya pele, o lokela ho etsang ha ho hlaha dikoduwa tsa tlhaho?