PHELA JWALO KA MOKRESTE
Jehova o re Thusa ho Mamella Mathata a Rona
Matsatsing ana a ho qetela, re hlahelwa ke mathata a mangata a boima. Ka dinako tse ding re ka utlwa re sena matla a ho mamella mathata. Le ha ho le jwalo, ha re tswela pele ho atamela ho Jehova, a ka re thusa ho mamella mathata a re sithabetsang. (Esa 43:2, 4) Re ka atamela haufi le Jehova jwang ha re ena le mathata?
Thapelo. Ha re jwetsa Jehova hore na re ikutlwa jwang o re fa kgotso ya kelello le matla a ho mamella.—Baf 4:6, 7; 1Th 5:17.
Diboka. Ho feta le ha e le neng pele, re hloka molaetsa wa Bibele le botswalle tseo Jehova a fanang ka tsona dibokeng. (Heb 10:24, 25) Re rua molemo thusong eo Jehova a fanang ka yona ka moya wa hae, ha re ya dibokeng re lokiseditse re bile re nka karolo ho tsona.—Tshe 2:29.
Tshimo. Ha re dula re phathahane mosebetsing wa boboledi, ho tla ba bonolo ho dula re nahana ka dintho tse molemo. Re tla tiisa setswalle sa rona le Jehova le Bakrestemmoho le rona.—1Ko 3:5-10.
SHEBELLANG VIDEO YA JEHOVA O TLA O HLOKOMELA EBE LE ARABA DIPOTSO TSE LATELANG:
Ke eng e ileng ya thusa Malu ho dula a ena le kamano e ntle le Jehova ha a hlahelwa ke mathata?
Jwalo ka ha mantswe a hlahang ho Pesaleme ya 34:18 a ile a tshedisa Malu, rona a ka re tshedisa jwang?
Mohlala wa Malu o bontsha jwang hore Jehova o re fa “matla a sa tlwaelehang” ha re hlahelwa ke mathata?—2Ko 4:7