Pina ea 62
Re ba Mang?
Printed Edition
1. Molim’oa hao ke mang,
Eo u tla mo mamela?
Ke eo u tla mo khumamela,
Le eo u mo sebeletsang.
U ke ke ua hlompha
Marena a mabeli
’Me ua a rata ka ho lekana,
Ka pelo eohle ea hao.
2. Molim’oa hao ke mang,
Eo u tla mo mamela?
Ke uena ea tla ikhethela,
Hobane oa ’nete o mong.
Na u tla mamela
Babusi ba lefatše,
Kapa u tla mamela Molimo,
U tšepehe ho eena?
3. Molim’oa ka ke mang?
Ke mamela Jehova.
Ke Ntate oa ka ea lerato;
Ke tla phetha kano tsa ka.
Ka theko’e phahameng
O ile a ntopolla,
Ka lefu la Mor’a hae ea ratoang.
Ke rorisa Jehova.
(Sheba le Josh. 24:15; Pes. 116:14, 18; 2 Tim. 2:19.)