Selelekela sa Karolo ya 7

Karolong ena re tla bua ka histori ya Morena Saule le Morena Davida, e qetileng dilemo tse ka bang 80. Qalong, Saule o ne a ikokobeditse ebile a mamela Jehova empa ha nako e ntse e ya, a fetoha yaba ha a sa mamela Jehova. Yaba Jehova o re Samuele a tlotse Davida hore e be morena e motjha wa Iseraele. Saule o ne a le mona, ka hoo a leka ka makgetlo ho bolaya Davida empa Davida ha a ka a iphetetsa. Mora wa Saule ya bitswang Jonathane o ne a rata Davida hobane a tseba hore Davida o kgethilwe ke Jehova. Davida o ile a etsa dibe tse tebileng empa ha a ka a kwata ha Jehova a mo kgalemela. Haeba o motswadi, thusa ngwana hore a bone bohlokwa ba ho mamela Jehova.