Bophelo ba Ezekiele le Hore na o Phetse Neng

Lebitso Ezekiele le bolela “Modimo o a Matlafatsa.” Le hoja boholo ba boprofeta ba Ezekiele e le ditemoso tseo Modimo a di fileng batho ba hae, molaetsa wa hae ka kakaretso o dumellana le seo lebitso la hae le se bolelang hobane o matlafatsa tumelo ho batho ba batlang ho sebeletsa Modimo ka tsela e nepahetseng.

BAPROFETAMMOHO LE EZEKIELE

• 

  JEREMIA,

  o hlaha lelapeng la boprista, boholo ba nako o ne a sebetsa a le Jerusalema (647-580 B.C.E.)

• 

  HULDA

  e ne e le moprofeta nakong eo buka ya Molao e fumanwang ka tempeleng hoo e ka bang ka selemo sa 642 B.C.E.

• 

  DANIELE,

  o ne a tswa lelokong la borena la Juda, hape o ile a iswa Babilona ka 617 B.C.E.

• 

  HABAKUKE

  ho ka etsahala hore e bile moprofeta Juda qalong ya puso ya Jojakime

• 

  OBADIA

  o ile a profeta molaetsa wa kahlolo o yang ho Edomo mme ho ka etsahala hore ebe e ne e le ka nako eo Jerusalema e neng e fediswa

BA PROFETILE NENG? (DILEMO TSOHLE KE TSA PELE HO MEHLA YA JESU)

DINTHO TSA BOHLOKWA TSE ETSAHETSENG MEHLENG YA EZEKIELE (DILEMO TSOHLE KE TSA PELE HO MEHLA YA JESU)

1. h.643: Ezekiele o a hlaha

2. 617: O iswa botlamuweng Babilona

3. 613: E ba moprofeta, o bona dipono ka Jehova

4. 612: O bona pono ya hore ho tla ba le bokwenehi tempeleng

5. 611: O soma Jerusalema

6. 609: Mosadi wa hae o a shwa mme Jerusalema e thibellwa ka lekgetlo la ho qetela

7. 607: O fumana molaetsa wa hore Jerusalema e fedisitswe

8. 593: O bona pono ya tempele

9. 591: O profeta hore Nebukadnezare o tla hlasela Egepeta, o qeta ho ngola buka ya hae

MARENA A JUDA LE A BABILONA

1. 659-629: Josiase o kgothaletsa borapedi ba nnete empa o shwella ntweng ha a ntse a lwana le Faro ya bitswang Neko

2. 628: Joakaze e ba morena ya kgopo mme o busa dikgwedi tse tharo feela. Ka mora moo o tshwarwa ke Faro Neko

3. 628-618: Jojakime ke morena ya kgopo mme Faro Neko o a mo laola

4. 625: Nebukadnezare o hlola Baegepeta

5. 620: Nebukadnezare o hlasela Juda ka lekgetlo la pele mme o laola Jojakime Jerusalema

6. 618: Jojakime o fetohela Nebukadnezare mme ho ka etsahala hore ebe o ile a shwa ha Babilona e hlasela Naha e Tshepisitsweng ka lekgetlo la bobedi

7. 617: Jojakine eo hape a bitswang Jekonia ke morena ya kgopo ebile o busa dikgwedi tse tharo feela mme ha morao o inehela ho Nebukadnezare

8. 617-607: Morena Tsedekia ya kgopo, wa lekwala o laolwa ke Nebukadnezare

9. 609: Tsedekia o fetohela Nebukadnezare. Ka mora moo, Nebukadnezare o hlasela Juda ka lekgetlo la boraro

10. 607: Nebukadnezare o fedisa Jerusalema, o hapa Tsedekia, o mo honya mahlo ebile o mo isa Babilona