THUTO YA 15

Bontsha Kgodiseho

1 Bathesalonika 1:5

KAKARETSO: Bontsha hore o kgodisehile hore taba eo o buang ka yona ke nnete ebile o e nka e le ya bohlokwa.

Lokisetsa hantle. Etsa hore o utlwisise hore na dintlha tsa bohlokwa ke dife le hore na di dumellana jwang le Bibele. Leka ho hlalosa dintlha tsa bohlokwa ka mantswe a bonolo. Ipotse hore na taba eo o e tla thusa bamamedi ba hao jwang. Kopa moya o halalelang.

Lokisetsa ka hore o balle puo ya hao hodimo e le hore o tlwaelane le yona, ho etsa jwalo ho tla o thusa hore o fane ka yona hantle.
Sebedisa mantswe a bontshang hore o kgodisehile. Ho ena le hore o bale se ngotsweng, sebedisa mantswe a hao. Sebedisa mantswe a bontshang hore o kgodisehile ka seo o se buang.
Kgodiseha empa o nahanele batho ba bang. Modumo wa lentswe la hao ebe o loketseng. Sheba bamamedi ha o ntse o fana ka puo.

Ho kgodiseha ha ho bolele hore o lokela ho hatella maikutlo a batho ba bang kapa ho bua feela o sa ba nahanele. Le hoja o kgodisehile ka ntho eo e buang, o lokela ho bua ka tsela e mosa le e lerato.