Dintlha di Hlakile

1 Bakorinthe 14:9

KAKARETSO: Thusa bamamedi hore ba utlwisise molaetsa wa hao.

SEO O KA SE ETSANG:

• Bala o be o utlwisise taba eo o tlo bua ka yona. Utlwisisa sehlooho sa hao hantle e le hore o ka fetisa dintlha ka tsela e bonolo le ka mantswe a hao.

• Sebedisa dipolelo tse kgutshwanyane le tse bonolo. Le hoja e se phoso ho sebedisa dipolelo tse telele, sebedisa dipolelo tse kgutshwanyane le tse tobang taba ha o hlakisa dintlha tsa bohlokwa.

• Hlalosa mantswe a sa tlwaelehang. O se ke wa sebedisa mantswe ao bamamedi ba hao ba sa a tsebeng. Fana ka tlhaloso haeba o tlameha ho sebedisa lentswe le sa tlwaelehang, lebitso la motho ya hlahang ka Bibeleng kapa mekgwa le ditlwaelo tsa mehleng ya kgale.