Hopola Mosadi wa Lota

Ke hobaneng ha mosadi wa Lota a ile a hetla morao ha a ne a baleha Sodoma? Bibele ha e bolele. (Ge 19:17, 26) Le ha ho le jwalo, mantswe a Jesu a lemosang a bontsha hore e ka nna yaba o ne a nahana ka dintho tseo a di siileng morao. (Lu 17:31, 32) Ho fapana le mosadi wa Lota, re lokela ho etsang e le hore Modimo a dule a re amohela? Ho lelekisa maruo ha ho a lokela ho tla pele bophelong ba rona. (Mat 6:33) Jesu o ile a ruta hore re ke ke ra “ba makgoba a Modimo le a Maruo.” (Mat 6:24) Empa re lokela ho etsang ha re lemoha hore maruo a qala ho sitisa tsela eo re sebeletsang Modimo ka yona? Re lokela ho rapela Jehova hore a re thuse ho lemoha moo re lokelang ho etsa diphetoho le hore a re fe sebete le matla a ho di etsa.

NAHANA KA VIDEO E NANG LE DIKAROLO TSE THARO YA HOPOLA MOSADI WA LOTA, EBE O ARABA DIPOTSO TSE LATELANG:

• 

  Kgatello ya hore Gloria a etse tjhelete e ngata e ile ya ama monahano, dipuo le diketso tsa hae jwang?

• Mohlala wa mosadi wa Lota o re lemosa jwang kajeno?

• Ho sebedisa melaomotheo ya Bibele ho thusitse Joe le lelapa la hae jwang?

• Metswalle ya Anna ya mosebetsing e ile ya sitisa tsela eo a sebeletsang Jehova ka yona jwang?

• Ke hobaneng ha re lokela ho bontsha sebete ha re le tlasa kgatello ya ho lelekisa tjhelete?

• Brian le Gloria ba ile ba etsang e le hore ba boele ba sebeletse Modimo ntle ho tshitiso?

• O hlokometse melaomotheo efe videong ee?