Ikemisetse ho Tshepahalla Jehova ha Bofelo bo Ntse bo Atamela

KE HOBANENG HA HO LE BOHLOKWA: Haufinyane ho tla etsahala dintho tse tshosang tse tla hloka hore re be sebete mme re tshepe Jehova ho feta le ha e le neng pele. Mahlomola a maholo a tla qala ha bodumedi ba bohata bo fediswa. (Mat 24:21; Tše 17:16, 17) Ka nako eo ya pherekano ho ka etsahala hore re bolele molaetsa o matla wa kahlolo. (Tše 16:21) Gogo wa Magogo o tla re hlasela. (Eze 38:10-12, 14-16) Ka nako eo Jehova o tla tlisa “ntwa ya letsatsi le leholo la Modimo ya Matla Ohle” ho sirelletsa batho ba hae. (Tše 16:14, 16) E le hore re be sebete nakong e tlang re lokela ho dula re tshepahala ha tumelo ya rona e ntse e lekwa hona jwale.

O KA ETSA SEO JWANG:

• Mamela melao ya Jehova e phahameng ya boitshwaro o be o e emele ka sebete. ​—Esa 5:20

• Eya dibokeng ka mehla.​—Heb 10:24, 25

• Mamela tataiso e tswang mokgatlong wa Jehova hanghang.​—Heb 13:17

• Nahanisisa ka moo Jehova a ileng a pholosa batho ba hae ka teng nakong e fetileng.​—2Pe 2:9

• Rapela Jehova mme o mo tshepe.​—Pes 112:7, 8

SHEBELLA KAROLO YA VIDEO E RENG DIKETSAHALO TSA NAKO E TLANG TSE TLA HLOKA HORE RE BE SEBETE, EBE O ARABA DIPOTSO TSE LATELANG:

• 

  Bahweletsi ba ile ba lekeha jwang hore ba se ke ba mamela baholo ha phutheho ya bona e ne e kopanngwa le diphutheho tse ding?

• 

  Ho mamela ho etsa hore re be sebete jwang?

• 

  Ke hobaneng ha re tla hloka ho ba sebete ha Armagedone e fihla?

• 

  Ke tlaleho efe ya Bibele e ka matlafatsang tumelo ya rona mabapi le hore Jehova a ka re pholosa?​—2Likr 20:1-24