Rua Molemo Ditshwantshong

Dingolwa tsa rona di na le ditshwantsho tse ngata tse rutang dintlha tsa bohlokwa. O ka rua molemo jwang ditshwantshong tseo?

• Sheba ditshwantsho pele o bala sehlooho. Ditshwantsho di ka etsa hore o batle ho tseba dintlha tse eketsehileng mme tsa o susumelletsa hore o bale sehlooho. Jwalo ka dijo tse rothisang mathe, mahlo a di “latswa” pele. Ka hoo, pele o bala sehlooho ipotse: ‘Ke bona eng?’—Amose 7:​7, 8.

• Ha o ntse o bala sehlooho, nahana hore na ke hobaneng ha ditshwantsho tsena di kgethilwe. Bala mantswe a tsamaisanang le setshwantsho kapa tlhaloso ya setshwantsho haeba e le teng. Nahana ka hore na ditshwantsho di amana jwang le taba eo sehlooho se buang ka yona le hore na di ama bophelo ba hao jwang.

• Ka mora ho bala sehlooho, sebedisa ditshwantsho ho ikgopotsa dintlha tsa bohlokwa tsa sehlooho seo. Ka mora moo, kwala mahlo ebe o leka ho hopola ditshwantsho tseo ka hlooho le seo o ithutileng sona ho tsona.

• Sheba ditshwantsho tse hlahang makasineng ena hape, mme o bone hore na o sa hopola seo o ithutileng sona ho tsona.