Rua Molemo Ditshupisong Tse Bohareng ba Leqephe

Ditshupiso tse bohareng ba leqephe tse hlahang ho Bibele—Phetolelo ya Lefatshe le Letjha di a bontsha hore dikarolo tse fapaneng tsa Bibele di a dumellana. Tshupiso ka nngwe e na le temana kapa ditemana tse fanang ka boitsebiso bo eketsehileng bo buang ka ntho e tshwanang le e hlahang temaneng. Ho fumana ditshupiso tsena, sheba tlhaku e nyenyane e pela lentswe le hlahang temaneng. Bibeleng e hatisitsweng, sheba tlhaku e tshwanang bohareng ba leqephe ho fumana temana kapa ditemana tse tsamaisanang le tlhaku eo e hlahang pela lentswe. Bibeleng e websaeteng ya jw.org kapa e ho JW Library^® app, penya tlhaku e nyenyane e pela lentswe ho sheba ditshupiso.

Ditshupiso tse bohareng ba leqephe di ka o isa dinthong tse latelang le tse ding:

Tlaleho e Tshwanang: Tshupiso ena e o isa lengolong le leng la Bibele le buang ka ketsahalo e tshwanang. Ka mohlala, sheba 2 Samuele 24:1 le 1 Dikronike 21:1.

Boitsebiso bo qotsitsweng: Tshupiso ena e bontsha moo polelo kapa polelwana e nkilweng teng. Ka mohlala, sheba Matheu 4:4 le Deuteronoma 8:3.

Boprofeta bo phethahetseng: Tshupiso ena e o isa temaneng e buang ka hore na boprofeta bona bo phethahetse jwang. Ka mohlala, sheba Matheu 21:5 le Zakaria 9:9.