Ho Ntlafatsa Tsebo Ya Rona Boboleding​—Ka ho Thusa ba Nang le “Tshekamelo e Nepahetseng” Hore Ebe Barutuwa

KE HOBANENG HA HO LE BOHLOKWA: Jehova o hodisa nnete e metseng dipelong tsa ba nang le “tshekamelo e nepahetseng bakeng sa bophelo bo sa feleng.” (Lik 13:48; 1Ko 3:7) Re sebetsa haufi le yena tshebeletsong ya tshimo ka hore re ikitlaetse ho thusa ba sebedisang seo ba ithutang sona. (1Ko 9:26) Batho bao re ithutang Bibele le bona ba lokela ho utlwisisa hore e le hore ba pholohe, ba lokela ho kolobetswa. (1Pe 3:21) Re ba thusa hore e be barutuwa ka hore ba etse diphetoho bophelong ba bona, ba bolele, ba rute ba be ba inehele ho Jehova.—Mat 28:19, 20.

O KA ETSA SEO JWANG:

• Hopotsa batho bao re ithutang Bibele le bona hore morero wa ho ithuta ke ho tseba Jehova le ho etsa se mo kgahlisang.—Joh 17:3

• Ba thuse hore ba etse kgatelo pele ka hore ba hlole dintho tse ka ba sitisang tse kang ditlwaelo tse mpe le metswalle e mebe

• Ba matlafatse le ho ba kgothatsa pele le ka mora hore ba kolobetswe.—Lik 14:22

SHEBELLANG VIDEO E RENG JEHOVA MODIMO O TLA O THUSA, EBE KA MORA MOO LE ARABA DIPOTSO TSE LATELANG:

• Ke dintho dife tse ka thibelang motho hore a inehele a be a kolobetswe?

• Baholo ba ka thusa batho ba ithutang Bibele jwang hore ba hatele pele?

• Re ithutang ka Jehova ho Esaia 41:10?

• Le hoja re sa phethahala, ke makgabane afe a ka re thusang hore re sebeletse Jehova ka tsela eo a e amohelang?