1 Likronike
4 Bara ba Juda e ne e le Pereze,+ Hezrone+ le Karmi+ le Hure+ le Shobale.+ 2 Ha e le Reaia+ mora oa Shobale, a tsoala Jahathe; Jahathe, le eena, a tsoala Akumai le Lahade. Ana e ne e le malapa a Bazorathe.+ 3 Bana e ne e le bara ba ntat’a Etame:+ Jezriele+ le Ishma le Idbashe, (’me lebitso la khaitseli ea bona e ne e le Hazelelponi,) 4 le Penuele ntat’a Gedore+ le Ezere ntat’a Husha. Bana e ne e le bara ba Hure+ letsibolo la Efratha ntat’a Bethlehema.+ 5 Ashure+ ntat’a Tekooa+ a ba le basali ba babeli, Hela le Nara. 6 Ka mor’a nako Nara a mo tsoalla Akuzame le Hefere le Temeni le Hahashtari. Bana e ne e le bara ba Nara. 7 Bara ba Hela e ne e le Zerethe, Izehare le Ethnane. 8 Ha e le Koze, a tsoala Anube le Zobeba le malapa a Akarehele mora oa Harume.
9 Jabeze+ ea e-ba ea hlomphehang+ ho feta barab’abo; ’m ’ae a mo reha lebitso la Jabeze, a re: “Ke mo belehile ka bohloko.”+ 10 Jabeze a qala ho ipiletsa ho Molimo+ oa Iseraele, a re: “Haeba ruri u tla ntlhohonolofatsa+ ’me u eketse naha+ ea ka ’me letsoho+ la hao le hlile le e-ba le ’na, ’me ka sebele u mpoloka tlokotsing,+ e le hore e se ke ea ’ntša kotsi,+—” Ka lebaka leo Molimo a phethahatsa seo a neng a se kōpile.+
11 Ha e le Kelube mor’abo Shuha, a tsoala Mehire, eo e neng e le ntat’a Eshtone. 12 Eshtone, le eena, a tsoala Bethe-rafa le Pasea le Tehina ntat’a Ire-nahashe. Bana e ne e le banna ba Reka. 13 Bara ba Kenaze+ e ne e le Othniele+ le Seraia, ’me bara ba Othniele, e le Hathathe. 14 Ha e le Meonothai, a tsoala Ofra. Ha e le Seraia, a tsoala Joabe ntat’a Ge-harashime; etsoe ba ile ba fetoha litsebi tsa mesebetsi ea matsoho.+
15 Bara ba Kalebe+ mora oa Jefune+ e ne e le Iru, Ela le Naame; bara ba Ela, e le Kenaze. 16 Bara ba Jehaleliele e ne e le Zife le Zifa, Tiria le Asarele. 17 Bara ba Esdrase e ne e le Jethere le Merede le Efere le Jalone; a emola Miriame le Shamai le Ishba ntat’a Eshtemooa.+ 18 Ha e le mosali oa hae oa Mojuda, a tsoala Jerede ntat’a Gedore le Hebere ntat’a Soko le Jekuthiele ntat’a Zanooa. Bana e ne e le bara ba Bithia morali oa Faro, ea ileng a nkoa ke Merede.
19 Bara ba mosali oa Hodia, morali’abo Nahame, e ne e le ntat’a Keila+ Mogareme le Eshtemooa Momakathe. 20 Bara ba Shimone e ne e le Amnone le Rina, Bene-hanane le Tilone. Bara ba Ishi e ne e le Zohethe le Bene-zohethe.
21 Bara ba Shela+ mora oa Juda e ne e le Ere ntat’a Leka le Lada ntat’a Maresha le malapa a ntlo ea ba sebetsang ka lesela+ la boleng bo botle ba ntlo ea Ashbea; 22 le Jokime le banna ba Kozeba le Joashe le Sarafe, ba ileng ba fetoha beng ba basali ba Bamoabe,+ le Jashubi-leheme. Lipolelo tseo ke tsa neano ea khale.+ 23 E ne e le libōpi+ le baahi ba Netaime le Gedera. Ba ne ba lula moo le morena mosebetsing oa hae.+
24 Bara ba Simeone e ne e le Nemuele+ le Jamine,+ Jaribe, Zera, Shaule,+ 25 mora oa hae Shalume, mora oa hae Mibsame, mora oa hae Mishma. 26 Bara ba Mishma e ne e le mora oa hae Hamuele, mora oa hae Zakure, mora oa hae Shimei. 27 Shimei o ne a e-na le bara ba leshome le metso e tšeletseng le barali ba tšeletseng; empa barab’abo ba ne ba se na bara ba bangata, ’me ha ho le le leng la malapa a bona le neng le e-na le bara ba bangata joaloka ba Juda.+ 28 Ba tsoela pele ba lula Beerseba+ le Molada+ le Hazare-shuale+ 29 le Bilha+ le Ezeme+ le Tolade+ 30 le Bethuele+ le Horma+ le Ziklage+ 31 le Bethe-markabothe le Hazare-susime+ le Bethe-biri le Sharaime.+ Ena e ne e le metse ea bona ho fihlela Davida a busa.
32 Metsana ea bona e ne e le Etame le Aine, Rimone le Tokene le Ashane,+ metse e mehlano. 33 Metsana eohle ea bona e neng e pota-potile metse ena ka hohle e ne e fihla Baale.+ Tsena e ne e le libaka tsa bona tsa bolulo le ho ngolisoa ha tsona ka meloko ea bona. 34 Le Meshobabe le Jamleke le Josha mora oa Amazia, 35 le Joele le Jehu mora oa Joshibia mora oa Seraia mora oa Asiele, 36 le Elioenai le Jakoba le Jeshohaia le Asaia le Adiele le Jesimiele le Benaia, 37 le Ziza mora oa Shifi mora oa Alone mora oa Jedaia mora oa Shimri mora oa Shemaia. 38 Bana ba ileng ba kena ka mabitso e ne e le marenana malapeng+ a habo bona, ’me malapa a baholo-holo ba bona a ile a eketseha haholo. 39 Ba ea tseleng e hekeng ea Gedore, ho ea fihla ka bochabela ho phula, ho ea batlela mehlape ea bona lekhulo. 40 Qetellong ba fumana lekhulo+ le nonneng le letle, ’me naha eo e ne e pharaletse ebile e se na khathatso+ empa e lutse ka boiketlo; kaha ba neng ba lula moo linakong tsa pele e ne e le ba Kama.+ 41 Bana ba ngotsoeng fatše ka mabitso ba kena matsatsing a Ezekiase+ morena oa Juda ’me ba liha+ litente tsa Bahame le Bameunime ba neng ba fumaneha moo, hoo ba ileng ba ba nehela timetso+ ho fihlela letsatsing lena; ba qala ho lula sebakeng sa bona, hobane ho ne ho e-na le lekhulo+ bakeng sa mehlape ea bona moo.
42 Ho bona ho ne ho e-na le ba bang ba bara ba Simeone ba ileng ba ea Thabeng ea Seire,+ banna ba makholo a mahlano, ba e-na le Pelatia le Nearia le Refaia le Uziele bara ba Ishi ba ba eteletseng pele. 43 Ba bolaea masala a neng a phonyohile a Baamaleke,+ ’me ba tsoela pele ho lula moo ho fihlela letsatsing lena.