AMOSE
1 Lilemo tse peli pele ho tšisinyeho ea lefatše,+ mehleng ea puso ea Uzia+ morena oa Juda le Jeroboame+ mora oa Joashe,+ eo e neng e le morena oa Iseraele, ’na Amose* ke ne ke le e mong oa balisa ba linku ba tsoang Tekooa.+ Eaba ke bolelloa mantsoe a buang ka Iseraele ponong. 2 A ne a re:
“Jehova o tla bua ka lentsoe le matla a le Sione,
A hoeletse a le Jerusalema.
Makhulo a tla cha,
Limela tse tlhorong ea Karmele li omelle.+
3 Jehova o re:
‘“Baahi ba Damaseka ba ntšitetsoe ka makhetlo-khetlo.* Kahoo, nke ke ka fetola qeto eo ke seng ke e entse.
Ba ile ba pola Gileade joalokaha motho a pola koro* ka selei sa tšepe se polang.*+
4 Ke tla romela mollo ntlong ea Hazaele.+
O tla chesa litora tse sirelelitsoeng tsa Ben-hadade.+
5 Ke tla roba mekoallo ea likeiti tsa Damaseka,+
Ke timetse baahi ba Bikathe-avene
Hammoho le motho ea busang* Bethe-edene,
Batho ba Siria ba tla isoa botlamuoeng Kire,”+ ke Jehova ea chong.’
6 Jehova o re:
‘“Baahi ba Gaza+ ba ntšitetsoe ka makhetlo-khetlo.* Kahoo, nke ke ka fetola qeto eo ke seng ke e entse
Hobane ba ile ba isa sehlopha sa batho ba hapuoeng+ Edomo.
7 Ke tla romela mollo lerakong la Gaza.+
O tla chesa litora tsa eona tse sirelelitsoeng.
Ke tla otla Ekrone,+
Bafilista ba setseng ba tla timela,”+ ke Jehova ’Musi oa Lintho Tsohle ea chong.’
9 Jehova o re:
‘Baahi ba Tire+ ba ntšitetsoe ka makhetlo-khetlo.* Kahoo, nke ke ka fetola qeto eo ke seng ke e entse
Hobane ba ile ba isa sehlopha sa batho ba hapuoeng Edomo
Hape ba lebetse selekane sa bana ba motho.+
10 Ke tla romela mollo lerakong la Tire.
O tla chesa litora tsa eona tse sirelelitsoeng.’+
11 Jehova o re:
‘Baahi ba Edomo+ ba ntšitetsoe ka makhetlo-khetlo.* Kahoo, nke ke ka fetola qeto eo ke seng ke e entse
Hobane ba ile ba lelekisa bana ba bo bona ka sabole+
Eaba ha ba ba hauhele.
Ba ba ranthanya ba halefile
Ebile ba lula ba ba halefetse.+
12 Ke tla romela mollo Temane.+
O tla chesa litora tse sirelelitsoeng tsa Bozra.’+
13 Jehova o re:
‘“Baahi ba Amone+ ba ntšitetsoe ka makhetlo-khetlo.* Kahoo, nke ke ka fetola qeto eo ke seng ke e entse
Hobane ba tabotse limpa tsa basali ba baimana ba Gileade e le hore ba ikekeletse meeli.+
14 Ke tla hotetsa mollo lerakong la Raba.+
O tla chesa litora tsa eona tse sirelelitsoeng,
Ho tla ba le sefefo letsatsing la ntoa,
Ho be le setsokotsane letsatsing la sefefo.
15 Morena oa bona o tla haptjoa hammoho le likhosana tsa hae,” ke Jehova ea chong.’+
2 Jehova o itse:
‘“Baahi ba Moabe+ ba ntšitetsoe ka makhetlo-khetlo.* Kahoo, nke ke ka fetola qeto eo ke seng ke e entse
Hobane ba chesitse masapo a morena oa Edomo ho fihlela e e-ba molora.*
Moabe e tla shoa ho le lerata,
Ho etsoa mokhosi oa ntoa ho bile ho letsoa lenaka.+
4 Jehova o re:
‘Baahi ba Juda+ ba ntšitetsoe ka makhetlo-khetlo.* Kahoo, nke ke ka fetola qeto eo ke seng ke e entse
Hobane ha baa ka ba mamela molao oo ’na Jehova ke ba fileng oona.
Ba iphapanyetsa litaelo tsa ka.+
Ba khelositsoe ke mashano ao baholo-holo ba bona ba neng ba a lumela.+
5 Kahoo, ke tla romela mollo Juda.
O tla chesa litora tse sirelelitsoeng tsa Jerusalema.’+
6 Jehova o re:
‘Baahi ba Iseraele+ ba ntšitetsoe ka makhetlo-khetlo.* Kahoo, nke ke ka fetola qeto eo ke e entseng
Hobane ba rekisa motho ea lokileng hore ba fumane silevera.
Mofutsana eena ba mo rekisa hore ba fumane lieta.*+
Ntate le mora ba robala le mosali a le mong,
Ba tella lebitso la ka le halalelang.
8 Ba tjapalla pel’a aletare e ’ngoe le e ’ngoe,+ holim’a liaparo tseo batho ba li behileng paneng* bakeng sa likoloto tsa bona.+
Veine eo ba e noellang matlong* a melimo ea bona ke eo ba patalisitseng batho ka eona.
9 Ke ile ka ba bolaela Baamore+
Ba balelele joaloka lifate tsa likedare, ba matla joaloka lifate tsa ouku,*
Ka felisa litholoana tsa bona, ka fothola metso ea bona.+
11 Ke khethile ba bang ba bara ba bona hore e be baprofeta,+
Ka khetha bahlankana ba bang hore e be Banazari.+
Baiseraele, na ha ho joalo?’ ke Jehova ea chong.
13 Ke tla ba hatakela
Joalokaha sekosekara* se tšetseng lijo* tse qetang ho kotuloa se hatakela ntho e ka tlas’a sona.
14 Ha ho moo ea lebelo a tla balehela teng,+
Senatla se tla felloa ke matla
Le mohlabani a ke ke a khona ho ipholosa.
15 Ea sebelisang seqha a ke ke a khona ho itoanela,
Ea lebelo a ke ke a khona ho baleha
Le ea palamang pere a ke ke a khona ho pholoha.
3 Lona Baiseraele, utloang mantsoe ao Jehova a a buileng ka sechaba seo a se ntšitseng Egepeta, o itse:
2 ‘Har’a lichaba tsohle tse teng lefatšeng, ke khethile* lona feela.+
Kahoo, le tla ikarabella bakeng sa liphoso tsohle tsa lona.+
3 Na ba teng batho ba eeng ba nke leeto ba sa lumellana?*
4 Na e teng tau e purumang ho se na phofu?
Kapa eona taoana* e rorang e le ka selaong sa eona empa e sa tšoasa letho?
5 Na motho a ka tšoasa nonyana empa a sa e cheha?*
Kapa na sefi se ka pitla empa ho se na ntho eo se e tšoasitseng?
6 Na batho ha ba thothomele ke letsoalo ha lenaka le letsoa motseng?
Na tlokotsi e ke ke ea hlaha motseng ha Jehova a nka khato?
7 ’Na Jehova ’Musi oa Lintho Tsohle nke ke ka etsa letho
Ke sa bolella baprofeta ba ka lekunutu la ka.+
8 Ke mang ea ke keng a tšoha ha tau e se e rorile?+
Na ho na le moprofeta ea tla thola ha Jehova ’Musi oa Lintho Tsohle a se a buile?+
9 Le phatlalatse taba ena le le litoreng tse sirelelitsoeng tsa Ashdode
Le litoreng tse sirelelitsoeng tsa Egepeta.
Le re: “Bokanang lithabeng tsa Samaria,+
Le bone moferefere o har’a motse
Le kamoo baahi ba hatelloang kateng.+
10 Ha ba tsebe ho etsa letho le nepahetseng,
Ba tlatsitse litora tsa bona tse sirelelitsoeng ka thepa eo ba e nketseng batho ka mahahapa,” ke Jehova ea chong.’
11 Jehova ’Musi oa Lintho Tsohle o re:
‘Sera sa hao se tla futuhela naha ea hao,+
Se u amohe matla,
Se hape lintho tse ka litoreng tsa hao tse sirelelitsoeng.’+
12 Jehova o boetse o itse:
‘Joalokaha molisa a hlotha litlhakoana tse peli feela kapa ntlha ea tsebe lehanong la tau,
Baiseraele le bona ba tla phonyoha joalo matsohong a lira tsa bona.
Bona ba lutseng libetheng tsa bona tse mabotho-botho le lisofeng tsa bona tse ntle* ba le Samaria.’+
13 Jehova ’Musi oa Lintho Tsohle, Molimo oa mabotho o re: ‘Mamelang ebe le eletsa litloholo tsa Jakobo.
14 Letsatsing leo ke ahlolelang Baiseraele liphoso tsa bona,+
Ke tla boela ke sebetsane le lialetare tsa Bethele.+
Manaka a aletare a tla pongoa ebe a oela fatše.+
15 Ke tla liha ntlo ea mariha le ea lehlabula.
Matlo a khabisitsoeng ka manaka a tlou a tla senyeha,+
4 Mamelang lona ba kang likhomo tsa Bashane,
Lona ba lulang thabeng ea Samaria,+
Lona basali ba hlorisang le ho hatella bafutsana,+
Lona ba reng ho banna* ba lona: ‘Re tlisetseng joala re noe.’
2 Kaha Jehova ’Musi oa Lintho Tsohle oa halalela, o hlapantse a re:
‘“Matsatsi aa tla ao ka ’ona le tla phahamisoa ka lihakisi tse sebelisoang selakheng,
Ba setseng bona ba phahamisoe ka lihuku tse tšoasang litlhapi.*
3 Le tla tsoa ka makhalo, le tsamaee le kolokile
Ebe le lahleloa Harmone,” ke Jehova ea chong.
Tlisang mahlabelo+ a lona hoseng
Ebe ka letsatsi la boraro le tlisa karolo ea leshome*+ ea lintho tsa lona.
5 Chesang mahlabelo a bohobe bo nang le tomoso e le ho leboha Molimo,+
Le bolelle motho e mong le e mong hore le ithaopetse ho etsa mahlabelo
Hobane ke eona ntho eo le e batlang lona Baiseraele,’ ke Jehova ’Musi oa Lintho Tsohle ea chong.
6 ‘Le ’na ha kea ka ka le fa lijo metseng eohle ea lona.
Ke ile ka le tima bohobe ka matlung ’ohle a lona.+
Empa ha lea ka la baka,’+ ke Jehova ea chong.
7 ‘Ke ile ka le tima pula likhoeli tse tharo pele ho nako ea ho kotula,+
Ka etsa hore e ne ka ho khetha libaka.
Tšimong e ’ngoe pula e ne e na
Empa e ’ngoe e ne e omeletse hobane ho eona pula e ne e sa na.
8 Batho ba tsoang metseng e ’meli kapa e meraro ba bolaoang ke lenyora ba ne ba ea ho o mong hore ba e’o noa metsi+
Empa lenyora le ne le sa fele.
Leha ho le joalo ha lea ka la baka,’+ ke Jehova ea chong.
9 ‘Ke sentse masimo a lona ka mocheso le phori.*+
Lona la ikekeletsa lirapa le masimo a morara
Empa litsie tsa kokona lifate tsa lona tsa feie* le tsa mohloaare,+
Ho ntse ho le joalo ha lea ka la baka,’+ ke Jehova ea chong.
10 ‘Ke le otlile ka lefu la seoa le kang la Egepeta,+
Ka bolaea bara ba lona ka sabole+ eaba ke hapa lipere tsa lona.+
Seputa sa litopo tse litenteng tsa lona sa utloahala hohle+
Eaba le ntse le sa bake,’ ke Jehova ea chong.
Le ne le tšoana le sekoqo sa patsi se ntšitsoeng mollong,
Empa ha lea ka la baka,’+ ke Jehova ea chong.
12 Uena Iseraele,
Ke tl’o u otla hape.
U tle u itokiselitse ho kopana le ’na Molimo oa hao hobane kannete ke tl’o u otla.
13 Ke ’na ea entseng lithaba+ ka ba ka etsa hore moea o be teng,+
Ke bolella batho merero ea ka,
Hoseng ha letsatsi le chaba ke etsa hore le be lefifi,+
Ke ’na ea tsamaeang holim’a lithaba le maralla,+
Lebitso la ka ke Jehova Molimo oa mabotho.
5 Utloang lona Baiseraele, ena ke koli-ea-malla* eo ke le binelang eona:
2 ‘Moroetsana Iseraele o oele naheng ea habo,
Ha a khone ho phahama.
Motho e mong le e mong o mo lahlile kherehloa,
Ha ho na ea batlang ho mo phahamisa.’
3 Jehova ’Musi oa Lintho Tsohle o re:
‘Motse o neng o futuha ka bahlabani ba sekete o tla salloa ke ba lekholo feela,
O neng o futuha ka ba lekholo oona o salloe ke ba leshome feela. Ena ke eona ntho e tla hlahela bana ba Iseraele.’+
4 Jehova o itse ho bana ba Iseraele:
‘Ha le ka khutlela ho ’na le tla phela.+
5 Le se ke la ea Bethele+ le re le e’o ntšebeletsa,
Le se ke la leka ho ea Gilgale+ kapa ho fetela Beersheba+
Kaha Gilgale e tla haptjoa,+
Bethele eona ha e sa tla ba teng.*
6 Khutlelang ho Jehova le tle le phele+
E le hore a se ke a ikakhela ka har’a ntlo ea Josefa,
A chesa Bethele eaba ha ho motho ea ka e timang.
7 Le etsa hore toka e babe joaloka lengana hore bophelo ba batho bo be bosula,
Le e lahlela fatše hore batho ba e hatakele.+
8 Sebeletsang Molimo ea bopileng sehlopha sa linaleli sa Kima* le sa Kesile,*+
Ea etsang hore lefifi e be meso,
Ea etsang hore motšehare o be lefifi joaloka bosiu,+
Ea bokellang metsi a leoatle
E le hore a nosetse lefatše ka ’ona.+
Lebitso la hae ke Jehova.
9 O lihela koluoa holim’a linatla,
Metse e sirelelitsoeng o e etsa lesupi.
Le ke ke la lula ka har’a matlo ano a lona ao le a hahileng ka majoe.+
Le masimo a morara o motle le a lemme empa le ke ke la noa veine ea oona.+
Ha le etsa joalo, Jehova Molimo oa mabotho o tla ba le lona
Joalokaha le bolela.+
15 Hloeang lintho tse fosahetseng le rate tse nepahetseng,+
Baahloli ba metse ea lona ba ke ba ahlole ka toka.+
Mohlomong Jehova Molimo oa mabotho
O tla hauhela litloholo tse setseng tsa Josefa.’+
16 Jehova Molimo oa mabotho, eena Jehova o re:
‘Ho tla utloahala seboko literateng tse kholo,
Batho ba tsamaee literateng ba ntse ba re: “Jooe! Jooe!”
Ba tla bitsa lihoai hore li tl’o lla,
Ba hire le batho ba llang.
18 ‘Ho malimabe ba emetseng letsatsi la Jehova.+
Le ka lebella hore ho etsahale’ng letsatsing la Jehova?+
Letsatsi leo e tla ba la lefifi eseng leseli.+
19 Ho tla ba joalokaha motho a baleha tau ebe o kopana le bere,
E re ha a kena ka tlung a itšoareletsa ka lebota, noha e mo lome.
20 Letsatsi la Jehova e tla ba la lefifi eseng leseli,
E be la botšo eseng khanya.
21 Ke hloile mekete ea lona ebile kea e nyonya+
Le monko oa mahlabelo ao le a etsang liphuthehong tsa lona ha ke o thabele.
22 Leha le ka nketsetsa mahlabelo a secheso kapa la ntlisetsa limpho,
Nke ke ka li amohela+
Le mahlabelo a lona a kopanetsoeng a entsoeng ka liphoofolo tse nontšitsoeng, nke ke ka a amohela.+
23 Tlohelang ho nketsetsa lerata ka lipina tsena tsa lona,
24 Toka e ke e phalle joaloka metsi naheng ea lona+
Le ho loka ho be joaloka molapo o lulang o phalla.
25 Lona Baiseraele, na le ile la nketsetsa mahlabelo kapa la ntlisetsa limpho
Ka lilemo tse 40 tseo le li qetileng lefeelleng?+
26 Le tla lokela ho nka Sakuthe le Kaiwane,*
E leng litšoantšo tseo le iketselitseng tsona tseo le li sebelisang ho rapela molimo oa lona oa naleli.
27 Le tla ba batšoaruoa ka nģ’ane ho Damaseka,’+ ke Molimo oa mabotho eo lebitso la hae e leng Jehova ea chong.+
6 Ho malimabe ba lutseng ba iketlile Sione,
Ba utloang ba sireletsehile thabeng ea Samaria,+
Ke banna ba hlaheletseng sechabeng,
Bao Baiseraele ba eang ho bona.
2 Tšelelang Kalene le bone,
Ha le tloha le ee Hamathe motseng o moholo+
Ebe le fetela Gathe motseng oa Bafilista.
Na mebuso eo e meholo ho feta ea lona*
Kapa naha ea bona e kholo ho feta ea lona?
3 Ha le nahane le ho nahana ka tlokotsi e le tlelang+
Ebile le theha ’muso oa batho ba tletseng mabifi.+
Tlokotsi ea Josefa ha e le tšoenye.*+
8 Jehova Molimo oa mabotho o re: ‘ ’Na Jehova ’Musi oa Lintho Tsohle ke hlapantse ka ’na*+ ka re:
“Ke nyonya boikakaso ba Jakobo,+
Ke hloile litora tsa hae tse sirelelitsoeng+
Ebile ke tla fana ka motse ona le tsohle tse ho oona ho lira tsa hae.+
9 Leha ho ka ba ha sala banna ba leshome ka tlung e le ’ngoe, le bona ba tla shoa. 10 Mong ka bona* o tla tla a ba chese ka bonngoe. O tla ntša masapo a bona ka tlung ebe o re ho ea setseng ka kamoreng: ‘Na ho na le ba bang ntle le uena?’ Ha a araba o tla re: ‘Ha ba eo.’ Eo a re: ‘Thola! Ha se nako ea hore u kope thuso ho Jehova ena.’
12 Na lipere li ka matha lefikeng?
Kapa na motho a ka lema moo ka likhomo?
Ho e-na le hore le phethe toka le utloisa batho bohloko,
Le etsa hore bophelo ba bona bo babe joaloka lengana.+
14 Jehova Molimo oa mabotho o re: “Baiseraele, ke tla le tlisetsa sechaba se tla le hlasela,+
Se tla le hatella ho tloha Lebo-Hamathe*+ ho ea fihla Khohlong* ea Araba.”’”
7 Jehova ’Musi oa Lintho Tsohle o mpontšitse pono ena: O ne a tlisa sehlopha sa litsie ha lijalo tsa mariha* li qala ho mela. Ke lijalo tse jetsoeng ka mor’a hore ho heloe joang ba morena. 2 Ha litsie li kokonne naha eohle, ke ile ka hoeletsa ka re: “Jehova ’Musi oa Lintho Tsohle, hauhela+ bana ba Jakobo hle! Ba tla pholoha* joang ba se na matla?”+
3 Jehova a hauha.*+ Jehova a re: “Ntho eo u e boneng e ke ke ea etsahala.”
4 Eaba Jehova ’Musi oa Lintho Tsohle o mpontša pono ena: Jehova ’Musi oa Lintho Tsohle o ne a phatlalatsa hore o tla otla naha ka mollo. Mollo oa pshesa leoatle oa ba oa chesa naha. 5 Ka re: “Ema hanyenyane hle Jehova ’Musi oa Lintho Tsohle.+ Bana ba Jakobo ba tla pholoha* joang ba se na matla?”+
6 Jehova a hauha.*+ Jehova ’Musi oa Lintho Tsohle a re: “Le eona eo eo u e boneng e ke ke ea etsahala.”
7 A mpontša pono ena: Jehova o ne a eme holim’a lerako le hahiloeng ho sebelisoa khoele e methang* a bile a e tšoere. 8 Jehova a re ho ’na: “U bona’ng Amose?” Eaba ’na ke re: “Khoele e methang.” Jehova a re: “Ha e le mona ke metha Baiseraele ka khoele e methang, nke ke ka hlola ke ba tšoarela.+ 9 Libaka tse phahameng tsa Isaka+ le lihalalelo tsa Iseraele li tla senngoa,+ ke tla hlasela ntlo ea Jeroboame ka sabole.”+
10 Amazia moprista oa Bethele+ o rometse molaetsa o eang ho Jeroboame+ morena oa Iseraele a re: “Amose o ntse a u rerela bora hona mona Iseraele.+ Batho ha ba khone ho mamella lintho tsena tseo a ntseng a li bua.+ 11 Amose o ntse a re: ‘Jeroboame o tla bolaoa ka sabole, Baiseraele ba tla haptjoa ba tlosoe naheng ea habo bona.’”+
12 Amazia a re ho Amose: “Uena ralitoro, tsamaea u balehele Juda. Ha u fihla moo u fumane mokhoa oa ho iphelisa* u be u profete.+ 13 U se ke oa hlola u profetela Bethele+ hobane ke tempele e halalelang+ ebile ke sebaka sa ’muso.”
14 Amose a arabela Amazia a re: “Ke ne ke se moprofeta ebile ke se mora oa moprofeta empa ke ne ke le molisa+ ke bile ke hlokomela lifate tsa feie.* 15 Ha ke sa ntse ke lisitse, Jehova a mpitsa. Jehova a re ho ’na: ‘Tsamaea, u e’o profetela sechaba sa ka sa Iseraele.’+ 16 Kahoo, Jehova o re: ‘U ntse u re: “U se ke oa profeta ka kahlolo e tlelang Iseraele+ hape u se ke oa bua+ ka kahlolo e tlelang litloholo tsa Isaka.” 17 Joale Jehova o re: “Mosali oa hao e tla ba letekatse la motse, bara le barali ba hao ba bolaoe ka sabole. Naha ea hao e tla arolelanoa ho sebelisoa khoele e methang, uena u tla shoela naheng e litšila ’me Baiseraele ba tla haptjoa ba tlosoe naheng ea habo bona.”’”+
8 Jehova ’Musi oa Lintho Tsohle o ile a mpontša pono ena: Ka bona baskete e tšetseng litholoana tsa lehlabula. 2 Eaba o re ho ’na: “U bona’ng Amose?” Ka re: “Baskete e tšetseng litholoana tsa lehlabula.” Jehova a re: “Letsatsi la hore ke otle sechaba sa ka le fihlile. Nke ke ka hlola ke se hauhela.+ 3 ’Na Jehova ’Musi oa Lintho Tsohle ke re: ‘Letsatsing leo, ho e-na le hore ho binoe lipina ka tempeleng, e tla ba liboko.+ Hohle ho tla tlala litopo,+ ho thole ho re tu!’
4 Mamelang lona ba hatellang bafutsana,
Lona ba thatafaletsang baikokobetsi bophelo,+
5 Le re: ‘Mokete oa khoeli* e ncha o fela neng+ re tsebe ho rekisa lijo* tsa rona?
Letsatsi la Sabatha+ le tla feta neng e le hore re rekise lijo,
Re theole tekanyo ea tsona
Ebe re nyolla chelete,*
Re qhekelle bareki ka likala tse sa tšepahaleng?+
7 Jehova o ikanne ka eena, ke eena eo Jakobo a ikotlang sefuba ka eena.+
O itse: ‘Nke ke ka lebala liketso tsa bona le ka mohla.+
Naha* eohle e tla loebehlana joaloka Noka ea Nile,
Ba tla loebehlana joaloka Nile ea Egepeta ha e tletse.’+
9 Jehova ’Musi oa Lintho Tsohle o re: ‘Letsatsing leo,
Ke tla etsa hore letsatsi le likele har’a mpa ea motšehare,
Ke etse hore naheng ho be lefifi letsatsi le ntse le chabile.+
Kaofela ke tla le apesa lesela le hoashang,* ke le kute makoroana.
E tla ka le shoetsoe ke mora oa lona ea mong,
Letsatsi leo le tla fella habohloko.’
11 Jehova ’Musi oa Lintho Tsohle o re: ‘Matsatsi aa tla ao ka ’ona
Ke tla otla naha ka tlala,
Ha le na ho lapela bohobe kapa hona ho nyoreloa metsi
Empa e tla be e le hobane le batla ho utloa lentsoe la Jehova.+
Ba tla solla ba ntse ba batlana le lentsoe la Jehova empa ba ke ke ba le fumana.
13 Letsatsing leo, baroetsana ba batle
Le bahlankana ba tla akheha ke lenyora.
14 Ba ikana ka melimo ea bohata ea Samaria*+ ba re:
“Ke ikana ka molimo oa hao ea phelang, uena Dane.”+
Hape ba re: “Ke ikana ka tsela e eang Beersheba.”*+
Ba tla oa ebile ba ke ke ba phahama.’”+
9 Ka bona Jehova+ a eme ka holim’a aletare eaba o re: “Otla karolo e ka holimo* ea lipilara metheo ea ntlo e sisinyehe. U thuhe lihlooho tsa tsona* ebe ba salang ke ba bolaea ka sabole. Ea balehang a ke ke a phonyoha, ea lekang ho phonyoha a ke ke a atleha.+
Leha ba ka nyolohela leholimong,
Ke tla ba theola moo.
Ha ba ka ipatela ’na bolibeng ba leoatle,
Ke tla romela noha moo hore e ba lome.
Ke tla ba lisa e le hore ke ba etsetse bomalimabe eseng litlhohonolofatso.+
Naha e tla loebehlana joaloka Noka ea Nile,
Ba tla loebehlana joaloka Nile ea Egepeta ha e tletse.+
6 Ke eena ea hahang litepisi tsa hae leholimong,
O entse metheo ea mohaho oa hae lefatšeng.
Ke eena ea bokellang metsi a leoatle
Ebe o a tšela lefatšeng.+
Lebitso la hae ke Jehova.+
7 Jehova o re: ‘Lona Baiseraele, le joaloka Bakushe ho ’na.
8 Jehova o re: ‘ ’Na Jehova ’Musi oa Lintho Tsohle ke shebile ’muso o tletseng sebe,
Ke tla o tlosa holim’a lefatše+
Empa nke ke ka timetsa bana ba Jakobo kaofela.’+
9 Ke laela hore
Ntlo ea Iseraele e tsukutlehe har’a lichaba tsohle,+
E tsukutlehe joalokaha motho a tsukutla sefe
Empa ho se na letho le oelang fatše.
10 Baetsalibe bohle ba sechaba sa ka ba tla bolaoa ka sabole,
Bohle ba reng: ‘Re ke ke ra hlaheloa ke tlokotsi kapa ea re atamela.’
11 Ke tla phahamisa ntlo* ea Davida+ e oeleng,
Ke koale likheo tse maboteng a eona,*
Ke e lokise
Ke etse hore e tšoane le mehleng ea khale+
12 E le hore batho ba ka ba ka hapa Baedomo ba setseng+
Le ho busa lichaba tsohle tse bitsoang ka lebitso la ka,’ Jehova e leng eena ea etsang lintho tsena ke eena ea chong.
13 Jehova o re: ‘Matsatsing ao,
Nako ea ho lema e tla fihla pele lijalo li kotuloa,
Nako ea ho jala e tla fihla pele morara o tlhotloa+
Ebe lithaba li rotha veine e monate,+
Maralla ’ohle a qhibilihe.+
14 Ke tla lata sechaba sa ka sa Iseraele se neng se hapuoe,+
Ba tla nchafatsa metse ea bona ’me ba lule ho eona,+
Ba tla lema masimo a morara ebe ba noa veine ea oona,+
Ba be ba je lintho tseo ba li lemmeng masimong a bona.’+
15 Hape Jehova Molimo oa lona o re:
‘Ke tla tsitsisa Baiseraele naheng ea bona,
Ba ke ke ba hlola ba tlosoa naheng eo ke ba fileng eona.’”+
E bolelang “Ho ba Moroalo” kapa “Ho Jara Moroalo.”
Ka Seheberu: “ka makhetlo a mararo le ka makhetlo a mane.”
Ka Seheberu: “lijo-thollo.” Sheba Tlhaloso.
Sheba Tlhaloso ea Ho pola; Seotlo.
Ka Seheberu: “ea tšoereng lere la borena.”
Ka Seheberu: “ka makhetlo a mararo le ka makhetlo a mane.”
Ka Seheberu: “ea tšoereng lere la borena.”
Ka Seheberu: “ka makhetlo a mararo le ka makhetlo a mane.”
Ka Seheberu: “ka makhetlo a mararo le ka makhetlo a mane.”
Ka Seheberu: “ka makhetlo a mararo le ka makhetlo a mane.”
Ka Seheberu: “ka makhetlo a mararo le ka makhetlo a mane.”
Ka Seheberu: “hore e be kalaka.”
Ka Seheberu: “moahloli.”
Ka Seheberu: “ka makhetlo a mararo le ka makhetlo a mane.”
Ka Seheberu: “ka makhetlo a mararo le ka makhetlo a mane.”
Ka Seheberu: “meqathatso.”
Kapa: “behelelitseng.” Ntho eo motho a e sieang ha a etsa sekoloto.
Kapa: “litempeleng.”
Kapa: “eike.”
Kapa: “kariki ea masimong.”
Ka Seheberu: “lijo-thollo.” Sheba Tlhaloso.
Kapa: “ea pelo e thata.”
Ka Seheberu: “tsebile.”
Kapa: “ba sa lumellana ka nako?”
Kapa: “taoana e moetse.”
Kapa mohlomong: “Na nonyana e ka pitloa ho se na selope?”
Kapa: “tse tsoang Damaseka.”
Kapa mohlomong: “a mangata.”
Kapa: “beng.”
Kapa: “lilope.”
Kapa: “boshome.”
Kapa: “feiga.”
Kapa: “pina e binoang ka lebaka la ho utloa bohloko.”
Kapa mohlomong: “e tla ba sebaka se tletseng boloi.”
Ho ka etsahala hore ebe ke sehlopha sa linaleli sa Selemela.
Ho ka etsahala hore ebe ke sehlopha sa linaleli sa Makolobe.
Kapa: “Le patalisa bafutsana lekhetho la mobu.”
Ka Seheberu: “lijo-thollo.” Sheba Tlhaloso.
Kapa: “Liphoso.”
Kapa: “liletsa tse likhoele.”
Ho ka etsahala hore ebe Sakuthe le Kaiwane ke mabitso a polanete e bitsoang Saturn eo batho ba neng ba e rapela.
Ho bonahala e le ’muso oa Juda le Iseraele.
Kapa: “manamane a matona.”
Kapa: “seletsa se likhoele.”
Kapa: “likoping tse kholo.”
Ka Seheberu: “ha e le kulise.”
Kapa: “bophelo ba ka.”
Ka Seheberu: “Motho ea amanang le ntate oa bona.”
Ka Seheberu: “Re inketse manaka.”
Kapa: “ho tloha moeling oa Hamathe.”
E leng ka January le February.
Ka Seheberu: “phahama.”
Kapa: “a fetola maikutlo.”
Ka Seheberu: “phahama.”
Kapa: “a fetola maikutlo.”
Kapa: “sekitiloto.”
Ka Seheberu: “u je bohobe.”
Kapa: “lifeiga tsa sikamore; ea kutang lifate tsa sikamore.”
Kapa: “Letsatsi la khoeli.”
Ka Seheberu: “lijo-thollo.” Sheba Tlhaloso.
E leng Shekele. Sheba Ntlha ea B14.
Ka Seheberu: “meqathatso.”
Ka Seheberu: “lijo-thollo.” Sheba Tlhaloso.
Kapa: “Lefatše.”
Kapa: “mekete.”
Kapa: “pina e binoang ka lebaka la ho utloa bohloko.”
Kapa: “bochaba-tsatsi.”
Ka Seheberu: “molato oa Samaria.” E leng hore ba molato ka lebaka la melimo ea litšoantšo ea Samaria.
Mohlomong ho buuoa ka tsela eo batho ba neng ba tsamaea ka eona ha ba e’o rapela melimo ea bohata moo.
Ka Seheberu: “hlooho.”
Kapa mohlomong: “karolo e holimo ea lipilara.”
Kapa: “Sheole.” Sheba Tlhaloso.
Kapa: “lefatše.”
Kapa: “tente; lephephe.”
Kapa: “bona.”