Memo ea Rōna ho Uena

Re thabetse ho buisana le uena ka maqephe a bukana ena. Re tšepa hore u thabetse ho ithuta haholoanyane ka Lipaki tsa Jehova. Ka kōpo amohela memo ea rōna ea ho re etela Holong ea rōna ea ’Muso ea sebaka sa haeno. Bona mokhoa oo liboka tsa rōna li tsamaisoang ka oona. Bona mokhoa oo ka oona re ikemiselitseng ho arolelana le ba bang litaba tse molemo tsa lefatše la paradeise tlas’a ’Muso oa Kreste.

Molimo o le tšepisitse. “Re lebeletse, ka pallo ea oona, maholimo a macha le lefatše le lecha moo ho loka ho ikahetseng teng.” (2 Petrose 3:13) Ho se ho fetile makholo a lilemo a leshome le metso e robong. Nako ea ho leta e haufi le ho fela. Maemo a lefatše a bontša sena. Ho phethahala ha tšepiso ea Jesu hoa atamela: “Etlare ha tseo li qala ho hlaha, emisang lihloho, ’me le lelale holimo, hobane topollo ea lōna e tla be e atametse.”—Luka 21:28.

Ha re “bona letsatsi le ntse le atamela,” moapostola Pauluse o itse, “a re lebelaneng, re tle re isane ka cheseho leratong le mesebetsing e metle. Re se ke ra ngala liphutheho tsa rōna.” (Ba-Heberu 10:24, 25) Memo ea rōna ho uena ke ena, Ela Hloko keletso ea Pauluse ka ho bokana le rōna.