Selelekela sa Karolo ea 14

Bakreste ba mehleng ea Jesu ba ne ba bolella batho litaba tse monate tsa ’Muso oa Molimo ho isa libakeng tse hole. Jesu o ile a ba bolella hore na ba rute batho libakeng life. Hape, ka mohlolo a etsa hore ba bue lipuo tsa batho bao ba ba rutang. Jehova o ile a ba thusa hore ba be sebete le ha ba hlorisoa.

Jesu o ile a bontša moapostola Johanne khanya ea Jehova ponong. Ponong e ’ngoe, Johanne o ile a bona ’Muso oa Molimo o felisa puso ea Satane ka ho sa feleng. O ile a bona Jesu e le Morena ’me a e-na le ba 144 000 ba tla busa le eena. Johanne o ile a boela a bona ha lefatše lohle e e-ba paradeise ’me batho bohle ba rapela Jehova ka khotso ebile ba momahane.