Litaba Tsa Puso ea Molimo

Afrika Boroa: Ho ile ha tšoaroa seboka se ikhethang Bloemfontein ka la 3 le 4 August, 1991, ha Likomiti tsa Kaho tsa Lebatooa tse 22 tse emetsoeng ke baemeli ba 102 ba tsoang hohle naheng li ne li kopana ho buisana ka tlhoko e potlakileng ea Liholo tsa ’Muso. Re na le liholo tse 257 naheng. Bakeng sa ho qoba tšubuhlellano, ho hlokahala liholo tse eketsehileng tse 259 hona joale. Ho ile ha nahanoa ka botebo ka mekhoa ea kaho e potlakileng le e bolokang chelete. Ho kopana ha litho tse tsoang mabatooeng a fapa-fapaneng ho ipakile ho le molemo. Baemeli ba tletseng cheseho ba ile ba khutlela hae ba ikemiselitse ho potlakisa lenaneo la bona la kaho ka ho eketsehileng. Ho tšehetsa ha lōna kaho ea Liholo tsa ’Muso ka botšepehi ho ananeloa haholo.