Liboka Tsa Tšebeletso Tsa December
Bakeng sa beke ea kopano ka kōpo bala tlas’a “TLHOKOMELISO” Libokeng tsa Tšebeletso ho Tšebeletso ea Rōna ea ’Muso ea September 1991.
Beke e Qalang ka December 2
15 mets: Litsebiso tsa phutheho le Litsebiso tse khethiloeng ho Tšebeletso ea Rōna ea ’Muso. “Sekolo sa Tšebeletso sa ’Muso se Fana ka Thuto ea Bomolimo.” Kopanyelletsa le litlhaloso tse limakasineng tsa December tse buang ka mekete ea matsatsi a phomolo. Bolela lintlha tse tobileng tse ka buelloang tšebeletsong ea tšimo. Khothalletsa bohle ho tšehetsa mosebetsi oa limakasine ka Moqebelo. Ka kōpo bua ka “Likhopotso tsa Kopano ea Setereke” tse leng kenyelletsong ea Tšebeletso ea Rōna ea ’Muso ea July 1991 e reng “Itokisetse Hona Joale ho ba Teng Kopanong ea Setereke ea ‘Barati ba Tokoloho’ ea 1991.
18 mets: “Na U Ananela Bohlokoa ba Eona?” Lipotso le likarabo. Etsa pontšo ka linehelano tsa buka ea Lipale tsa Bibele. Pontšo ea pele e ka etsoa ke mohoeletsi ea hōlileng, ha pontšo ea bobeli e ka etsoa ke mocha a nehelana ka buka ea Lipale tsa Bibele ho eo ba kenang sekolo le eena, a boetse a ’montša kamoo buka e ka ithutoang ka teng.
12 mets: Buisana le batsoali ka tlhokahalo ea hore ba teane le matichere pele likolo li buloa, haholo-holo mabapi le boemo ba rōna thutong ea bolumeli, thapelo, mesebetsi e etsoang ka mor’a lithuto tsa sekolo, le ho khetheloa mesebetsi kapa maemo a itseng. Etsa pontšo ea kamoo motsoali le ngoana ba buisanang le tichere. Buisana le bahoeletsi ba bang ba bacha ka maemo a sekolong sa bona mabapi le litaba tsena. Leka ho etsa hore bana ba fane ka litlhaloso tsa se etsahalang mabapi le mesebetsi ena sekolong sa bona, u hatise bohlokoa ba ho lula ba arohile. Hatisa tlhokahalo ea ho latela ka botšepehi tataiso e fanoang ke “mohlanka ea khabane, ea bohlale.” Sebelisa bukana e lekanang le makasine ea Sekolo. Baholo ba lokela ho tiisa hore batsoali ba ela hloko tataiso e fanoeng. Haeba motsoali a ke ke a bua le tichere e ncha pele likolo li koaloa, joale ntle le tika-tiko, motsoali o lokela ho tsamaea le ngoana ha likolo li buloa selemong se secha. Motsoali o lokela ho hlalosetsa tichere boemo ba rōna litabeng tse amanang le borapeli ba ’nete le ho se nke lehlakore. Haeba motsoali a hloka thuso, a ka mema moholo hore a tsamaee le eena. Mathata a tebileng a ka qojoa haeba ho etsoa sena.
Pina 221 le thapelo e koalang.
Beke e Qalang ka December 9
5 mets: Litsebiso tsa phutheho. Akaretsa Litaba tsa Puso ea Molimo. Khothalletsa bohle ho kopanela ka botlalo tšebeletsong ea tšimo mafelo-bekeng ana, ’me u tiise hore ho fanoa ka litlaleho tsa tšebeletso ea tšimo tsa khoeli ena.
25 mets: “Ho Nehelana ka Litaba tse Molemo—Ha U le Phomolong.” Puo le puisano ea lelapa.
(5 mets.) Molula-setulo o tšohla lirapa tse peli tse qalang ’me o kenyelletsa puisano ea lelapa. Ho se hlokomolohuoe bomoea ba lelapa nakong ea phomolo. Lihlooho tsa malapa li lokela ho tiisa hore litlhoko tsa moea lia hlokomeloa ka linako tsohle.—Deut. 6:6, 7.
(18 mets.) Puisano ea lelapa e akaretsang lintlha tse lirapeng 3-6. Hlooho ea lelapa e buisana le lelapa ka litokisetso tse hlokahalang ho tiisa hore nako ea phomolo e tla kopanyelletsa mesebetsi ea moea. Setho se seng sa lelapa se fumane aterese le linako tsa liboka tsa phutheho ea sebaka seo ba tla etela ho sona. Lelapa le na le lingoliloeng tse lekaneng hore le ka kopanela tšebeletsong ea tšimo le phutheho eo, haesita le ho sebelisa hamolemo menyetla ea ho fana ka bopaki bo sa reroang. Ho boleloa maemo a ka ’nang a hlaha a ka fanang ka menyetla ea ho fana ka bopaki. Hlooho ea lelapa e lebisa tlhokomelo litokisetsong tse entsoeng bakeng sa ho ba teng Kopanong ea Setereke ea “Barati ba Tokoloho” ’me e ba hopotsa hore bofelong ba letsatsi ka leng la kopano ba tla ikhopotsa lipuo tsa letsatsi leo ’me e hlalosa melemo ea ho etsa joalo. Ka bokhutšoaane lelapa le fana ka litlhaloso ka lintlha tse loketseng tse kenyelletsong ea tokollo ea July ea Tšebeletso ea Rōna ea ’Muso mabapi le boitšoaro bo loketseng ha re le kopanong. Lelapa lohle le lebelletse ka cheseho hore le tla rua molemo o moholo litabeng tsa bomolimo nakong ea phomolo.
(2 mets.) Molula-setulo o qetella ka ho totobatsa tlhokahalo ea hore lihlooho tsa malapa, ho sa tsotellehe hore na li etsa litokisetso life, li tiise hore li se ke tsa hlokomoloha litlhoko tsa moea tsa lelapa.
15 mets: Litlhoko tsa phutheho kapa “Na U Latola Litšekamelo tsa Boetsalibe?” Puo e thehiloeng ho Molula-Qhooa, August 15, 1991, maqephe 29-31.
Pina 196 le thapelo e koalang.
Beke e Qalang ka December 16
10 mets: Litsebiso tsa phutheho. Kopanyelletsa le tlaleho ea lichelete hammoho le liteboho tsa Mokhatlo tsa menehelo e tsoang phuthehong. Bolela litokisetso tse entsoeng bakeng sa ho paka matsatsing a phomolo.
20 mets: “Ho Ipoloka re Tšoarehile Tšebeletsong ea Jehova.” Puisano ea lipotso le likarabo. Etsa pontšo ka lelapa le nang le litho tse ’nè. Ntate o sebelisa almanaka ea 1992, ’me o buisana le lelapa kamoo ba hlophisitseng nako ea bona ka teng bakeng sa January. O hlahloba hore na ke matsatsi afe a behelletsoeng ka thōko bakeng sa tšebeletso ea tšimo le kamoo a tla sebetsa le setho ka seng sa lelapa.
15 mets: “Bopula-Maliboho—Tšebeletso e Tlisang Meputso e Enneng.” Puisano ea lipotso le likarabo. Buisana le bo-pula-maliboho ba babeli. Ba ile ba lokela ho hlōla litšitiso life hore ba kenele tšebeletso ea bopula-maliboho? Ba susumelitsoe ke eng ho kenela tšebeletso ea bopula-maliboho? Ba thusitsoe ke eng ho atlehisa bopula-maliboho ba bona? Khothalletsa bohle ho hlahlobisisa ka thapelo maemo a bona.
Pina 40 le thapelo e koalang.
Beke e Qalang ka December 23
10 mets: Litsebiso tsa phutheho. Etsa pontšo ka limakasine tsa morao-rao. Leka ho etsa tselana ea makasine ha ho khoneha.
25 mets: “Ho Kopanela Keketsehong ea ’Muso.” Puisano ea lipotso le likarabo sehloohong sa kenyelletso. Khothalletsa bohle ba ka phuthehong hore ba sebelise boitsebiso bo leng kenyelletsong ka ho tsoela pele ba fana ka tšehetso ea pelo eohle morerong oa kaho.
10 mets: ‘U Ineele ho Bala ka Lentsoe le Phahameng.’ E fanoe ke molebeli oa Sekolo sa Tšebeletso sa Puso ea Molimo. Puo e thehiloeng ho Buka ea Tataiso ea Sekolo, Thuto 6, e hatisang tlhokahalo ea hore re be babali ba hloahloa. Thusa bamameli ho utloisisa hore ho tseba feela ho bala ka mokhoa o phollatsi ha hoa lekana; re tlameha ho hlaolela ho utloisisa hamolemo seo re se balang.
Pina 201 le thapelo e koalang.