Liboka tsa Tšebeletso tsa March
Beke e Qalang ka March 1
15 mets: Litsebiso tsa phutheho le Litsebiso tse khethiloeng ho Tšebeletso ea Rōna ea ’Muso. Lebisa tlhokomelo likhatisong tse ncha tse fumanehang. Lintlha tse khōlō tse hlahang ho Litaba tsa Puso ea Molimo, ho hatisa kamoo tlhohonolofatso ea Jehova e bileng ho bahlanka ba hae likarolong tse fapaneng tsa lefatše. Ho ka kopanyeletsoa liphihlelo tsa phutheho ea lōna haeba ho loketse.
15 mets: “U ’Ne U re ‘Tlo!’” Se koaheloe ka lipotso le likarabo. Ha le buisana ka serapa 4, e re mohoeletsi ea lokiselitseng hantle a totobatse lintlha tse ’maloa tse hlahang khaolong 42 bukeng ea Tlhōrō ea Tšenolo, lirapa 6-10, tse buang ka Tšenolo 21:4-6.
15 mets: “Feto-fetola Taba ea Hao ha U le Tšebeletsong.” Puo, ho be le moo bamameli ba kopanelang. Kopanyeletsa lipontšo tse peli tse khutšoaane ha le buisana ka lirapa 3-5. Ha le etsa pontšo ka lirapa 4 le 5, bontšang kamoo mohoeletsi ea hōlileng le ea mocha lilemong ba ka sebetsang ’moho tšebeletsong ea ntlo le ntlo joalokaha ho bontšitsoe sehloohong. Hatella tlhokahalo ea ho fumana thabo tšebeletsong ho sa tsotellehe liphello tseo re tla li fumana.
Pina 114 le thapelo e koalang.
Beke e Qalang ka March 8
5 mets: Litsebiso tsa phutheho. Bolela palo ea bo-pula-maliboho ba thusang ba seng ba amohetsoe ho sebeletsa ka April. Khothaletsa ba rerang ho bula maliboho hore ba tlise likōpo tsa bona nako e sa le teng. Na phutheho e rerile ho ba le tlhōrō e ncha ea bo-pula-maliboho ba thusang ka April? Baholo le bahlanka ba sebeletsang ba lokela ho etella pele.
20 mets: “Sireletsa Ngoana oa Hao Tšebelisong e Mpe ea Mali.” Moholo o fana ka puo lirapeng 1-11. Bolela ka ho hlakileng hore taba ea hore batsoali ba etse qeto ea ho lumela hore ngaka e phekole ngoana oa bona tlas’a maemo a boletsoeng lirapeng 5-7 ha ea lokela ho nkoa e le ho sekisetsa.
20 mets: Ho Thusa Liithuti tsa Rōna tsa Bibele. Puisano le bamameli e hatellang tlhokahalo ea hore ho fanoe ka thuso e eketsehileng ho liithuti tsa Bibele ho feta feela ho khanna thuto. (1 Ba-Thess. 2:8) E-ba le nako e eketsehileng ho susumeletsa hore li be le takatso e tlohang pelong ea ho ba teng le ho nka karolo libokeng. Haha kananelo bakeng sa mokhatlo o hlophisitsoeng le mokhatlo oa machaba oa baena ka ho hlalosa likopano tsa potoloho, matsatsi a khethehileng a likopano, le likopano tsa setereke. Le ka shebella hammoho li-video tsa Jehovah’s Witnesses—The Organization Behind the Name, Purple Triangles, le The Bible—Accurate History, Reliable Prophecy, u fumane maikutlo a liithuti ka seo li ithutileng sona ho tsona. Bontša mohato ka mohato kamoo li ka arolelanang le ba bang ka mokhoa o sa reroang seo li ithutileng sona. Liithuti tsa Bibele tse finyellang litlhokahalo tsena tse thathamisitsoeng maqepheng 98 le 99 bukeng ea Tšebeletso ea Rōna le tse lakatsang ho kopanela tšebeletsong ea phatlalatsa li lokela ho thusoa hore li fetohe bahoeletsi ba sa kolobetsoang. Ke habohlokoa ho qeta nako e itseng ha u khanna thuto le ka mor’a eona ho thusa liithuti ho hōlisa takatso ea ho etsa boinehelo le kolobetso. U ka bontša liithuti litšoantšo kapa lihlooho tsa koranta tse buang ka kolobetso likopanong tsa rōna. Pontšo: Mohoeletsi o thusa seithuti sa Bibele tabeng ea ho etsa bopaki bo sa reroang. O khetha ntlha e loketseng tšimo bukeng ea Phela ka ho sa Feleng ebe o re: “Ho ka ba hotle ho arolelana ntlha ena le beng ka uena kapa le baahisane ba hao. U ka ’na ua ba tsebisa hore ka Bibeleng u ithutile ntho eo u neng u sa e tsebe pele.” Khothaletsa bahoeletsi ho thusa liithuti tsa Bibele, ba li bontše tlhokomelo e lerato esita le ka mor’a kolobetso.
Pina 123 le thapelo e koalang.
Beke e Qalang ka March 15
10 mets: Litsebiso tsa phutheho, ho kopanyeletsa le tlaleho ea lichelete le liteboho bakeng sa monehelo. Bua ka “Molaetsa o Nakong” o leqepheng 8. Khothaletsa bohle hore ba hlokomele sehlooho sa puo e khethehileng ka March 28 ’me ba meme batho ba thahasellang hore ba be teng.
15 mets: “Ho Thusa Bohle ba Bontšitseng Thahasello.” Puo ’me ho be le moo bamameli ba kopanelang. Bua ka mangolo a bontšitsoeng haeba nako e ho lumella. Etsa pontšo ka tlhahiso e boletsoeng serapeng 3. Totobatsa tlhokahalo ea hore ho latelloe thahasello ea ba bileng teng ka lekhetlo la pele.
20 mets: “Sireletsa Ngoana oa Hao Tšebelisong e Mpe ea Mali.” Lirapa 12-28 li buisanoa ka lipotso le likarabo. Lebisa tlhokomelo likarabong tsa lipotso tse hlahang lirapeng 12 le 20. Hatella hore tokisetso e etsoang esale pele ke batsoali ho fumanela bana ba bona tlhokomelo ea meriana hangata ke senotlolo sa ho atleha hore ho qojoe tšelo ea mali.
Pina 32 le thapelo e koalang.
Beke e Qalang ka March 22
10 mets: Litsebiso tsa phutheho. Khothaletsa bohle hore ba lokisetse ho ba le karolo e eketsehileng tšebeletsong ka April.
20 mets: Ho Hlokomela ba Hōlileng. Puisano le baena ba babeli. Kopanong ea Setereke ea “Bajari ba Leseli,” puo ea neheletsano hoseng ka Sontaha e ile ea ba le sehlooho “Ho Hlokomelana ka Lelapeng la Bokreste.” Karolo e qetellang “Ka ho Hlokomela ba Hōlileng” e ile ea hatella tlatsetso ea bohlokoa eo batho ba hōlileng ba e etsang lapeng le phuthehong. (Liprov. 16:31) Re ka thusa ba hōlileng ka litsela life? Lelapa le na le boikarabelo ba sehlooho. (1 Tim. 5:3, 4, 8, 16) Ho hlokahala mamello le mohau. Bana ba seng ba hōlile le litloholo ba na le monyetla oa ho bontša kananelo bakeng sa lilemo tsa lerato, mosebetsi, le tlhokomelo tseo batsoali le bo-nkhono le ntate-moholo ba faneng ka tsona nakong e fetileng. (wSU87 6/1 13-18) Phutheho e ka boetse ea thusa ba hōlileng. Ba bang ba ka hloka thuso hore ba tšoanelehe ho thusoa ke ’muso. Bontša moea oa ho amohela baeti ka ho ba memela lijong le ’mokeng. (Ba-Roma 12:13) Ba thuse tšebeletsong ea tšimo. Ba thuse ka sepalangoang ho ea libokeng le likopanong. Ba thuse ho ba ela mabenkeleng le ho hlokomela mahae a bona. (wSU87 6/1 4-7) Ka linako tsohle bontšang tlhompho ho batho ba hōlileng. (1 Tim. 5:1, 2) Buisana le motho a le mong kapa ba babeli ba seng ba hōlile ba behang mohlala. Totobatsa kamoo ba ileng ba rua molemo ka mosa oo ba o bontšitsoeng ke malapa a bona le phutheho.
15 mets: Moholo o buisana le bahoeletsi ba bararo kapa ba bane ba tlang ho nka bopula-maliboho bo thusang ka April kapa ba entseng joalo nakong e fetileng. Ba susumelelitsoe ke eng ho bula maliboho? Ba entse litokisetso life bakeng sa April? Bopula-maliboho bo thusang bo ba thusitse joang? Khothaletsa bohle ba rerileng ho nka bopula-maliboho bo thusang khoeling e tlang hore ba iphumanele foromo ea kōpo ’me ba e tlatse ka potlako.
Pina 172 le thapelo e koalang.
Beke e Qalang ka March 29
10 mets: Litsebiso tsa phutheho. Hopotsa bohle hore ba memele batho ba thahasellang le liithuti tsa Bibele moketeng oa Sehopotso. Sebelisang hamolemo limemo tse hatisitsoeng. Khothaletsa bahoeletsi hore ba ngole ka makhethe limemong nako ea Sehopotso le aterese ea moo se tla ketekeloa teng. Ba hopotse ka litokisetso bakeng sa letsatsi le khethehileng la limakasine ka Moqebelo, April 3.
25 mets: “Ho Keteka Lefu le Fanang ka Tšepo ea Bophelo bo sa Feleng.” Se koaheloe ka lipotso le likarabo ke molebeli ea okamelang. Kopanyeletsa boitsebiso bo lebokoseng “Ho Lokisetsa Sehopotso.” Ka mor’a ho buisana ka serapa 5 sa sehlooho sena, etsa pontšo ea ha mohoeletsi a memela seithuti sa Bibele Sehopotsong. Mohoeletsi o hlalosa ka tokisetso ea ho bala litemana tse khethiloeng tsa Bibele ka April 1-6 ’me o ithaopela ho mo lokisetsa sepalangoang.
10 mets: Ho Buella Molula-Qhooa ka April. Totobatsa lintlha tse tobileng tse khōlō le lihlooho tse ka buelloang khoeling eo. Ba hlokomele hore ba lebise tlhokomelo lintlheng tse leng limakasineng ka linako tsohle.
Pina 87 le thapelo e koalang.