Liboka tsa Tšebeletso tsa April
Beke e Qalang ka April 5
10 mets: Litsebiso tsa phutheho. Bua ka litokollo tsa morao-rao tsa limakasine, totobatsa lihlooho tse ka thahasellisang ka ho khethehileng tšimong ea lōna. Bahoeletsi ba babeli, ea hōlileng le e mocha, ba etsa pontšo e khutšoanyane e bontšang linehelano tsa Mangolo.
15 mets: “Molula-Qhooa—Lijo tsa Moea ka Nako e Loketseng.” Lipotso le likarabo. Mohoeletsi ea tšoanelehang o etsa pontšo ea ho buella peeletso.
20 mets: “Hokahanya Lipampitšana le Lingoliloeng tse Ling.” Lipotso le likarabo. Kopanyeletsa pontšo e khutšoanyane e thehiloeng litlhahisong tse boletsoeng ho lirapa 2-6. Akaretsa lintlha tse leng lebokoseng “Hopolang ho Sebelisa Libukana tse Lekanang le Makasine.”
Pina 14 le thapelo e koalang.
Beke e Qalang ka April 12
10 mets: Litsebiso tsa phutheho. Pheta liphihlelo leha e le life tse khethehileng mabapi le mokete oa Sehopotso. Khothaletsa bahoeletsi bohle ho sebetsa le lihlopha tsa bona tsa tšebeletso ea tšimo mafelo bekeng ana.
20 mets: “Maeto a ho Boela a Bonolo le a Atlehang.” Puisano le bamameli. Etsa pontšo e le ’ngoe e bontšang kamoo ho ka qalisoang moqoqo leetong la ho boela.
15 mets: Lebokose la Lipotso. Puisano e hahang le e khothatsang ka molebeli oa tšebeletso kapa moholo e mong ea sebelelitseng e le pula-maliboho ea thusang. Buisana le mohoeletsi a le mong kapa ba babeli ba sebeletsang e le bo-pula-maliboho ba thusang nako le nako.
Pina 39 le thapelo e koalang.
Beke e Qalang ka April 19
10 mets: Litsebiso tsa phutheho le Litsebiso tse khethiloeng ho Tšebeletso ea Rōna ea ’Muso. Tlaleho ea lichelete le liteboho tsa menehelo leha e le efe. Bala Luka 6:38, ebe u babatsa phutheho ka monehelo oa eona o mosa oa ho tšehetsa mosebetsi oa lefatše lohle esita le litlhoko tsa phutheho.
20 mets: “Thusang ba Bacha ho Hatela Pele.” Puisano mahareng a bakhanni ba babeli kapa ba bararo ba thuto ea buka ea phutheho. Ka mor’a ho bua ka lintlha tse khōlō tsa sehlooho, hlalosa hore na ke litokisetso life tse entsoeng hore litlhahiso tseo li sebetse phuthehong. Re ka thusa batho ba sa tsoa thahasella bocha joang ba bileng teng Sehopotsong? Ke litlhokahalo life tseo ba bacha ba lokelang ho li finyella haeba ba tla tšoaneleha ho kopanela tšebeletsong ea tšimo? Ho ka etsoa’ng ho thusa batho ka bomong ba sa kang ba kopanela ka mehla nakong e fetileng? Ke joang bohle ba ka khothatsoang ho kopanela ka botlalo khoeli le khoeli? Bahoeletsi ba matla haholoanyane ba ka thusa ba bang joang?—Ba-Roma 15:1, 2.
15 mets: “Na U ka Etsa ho Eketsehileng ho Tlotlisa Jehova?” Puisano ka lipotso le likarabo serapeng sa 1 ho ea ho sa 10.
Pina 28 le thapelo e koalang.
Beke e Qalang ka April 26
10 mets: Litsebiso tsa phutheho le Litaba tsa Puso ea Molimo. Mema batho ka bomong ho pheta liphihlelo ka mosebetsi oa bona o eketsehileng har’a khoeli, liphihlelo tsa bona li ka kopanyeletsa ho ba pula-maliboho e thusang, ho qalisa lithuto tse ncha tsa Bibele, kapa ho thusa ba thabelang ba bileng teng Sehopotsong.
15 mets: Moholo o bua ka boitsebiso ba kenyeletso ea “Likopano tsa Setereke tsa ‘Thuto ea Bomolimo’ tsa 1993.” Khothaletsa bohle ho etsa litokisetso tsa ho ba teng kopanong nako e sa le teng. Mohla ho amoheloang lengolo, tsebisa phutheho kopano eo e tla ea ho eona. Khothaletsa e mong le e mong hore ka hloko a hlokomele litataiso tse fanoeng mabapi le likopano tse khethehileng tsa machaba tse ’nè Afrika Boroa.
20 mets: “Na U ka Etsa ho Eketsehileng ho Tlotlisa Jehova?” Lipotso le likarabo lirapeng tsa 11 ho ea ho 23.
Pina 127 le thapelo e koalang.