Litaba Tsa Puso ea Molimo

Afrika Boroa: Ho phaella ho tse seng li phatlalalitsoe, Liphutheho tsa Sea Park le Mfazazane (ka bobeli li Natal South Coast) le tsona li ile tsa thabela hore Liholo tsa tsona tse ncha tsa ’Muso li neheloe ka October. Sena se etsa kakaretso ea Liholo tsa ’Muso tse hlano tse nehetsoeng mafelo-bekeng a la 1 le la 2 October, 1994. Liteboho li lebisoa ho bohle ba thusitseng mererong ena ea kaho.

Albania: Ho bile le tlhōrō e ncha ea bahoeletsi ba 353 ka July, haesita le tlhōrō e ncha ea limakasine tse tsamaisitsoeng. Bahoeletsi ba phutheho ba entse kakaretso ea lihora tse 22,4 tšebeletsong ’me ba khanna lithuto tsa Bibele tse 1 073.

Cameroon: Ho thehiloe ofisi e ncha ea lekala ka July, ’me sena se tsamaisane le tlhōrō e ncha ea bahoeletsi ba 21 323.

Greenland: Bahoeletsi ba tlalehang tšebeletso ea tšimo ba entse kakaretso ea ba 134 ka July. Ena e bile tlhōrō e ncha.

Zaire: Esita le hoja ba tjametsoe ke boemo bo kotsi ba baphaphathehi ba makholo a likete ba kenang Zaire, ho bile le tlhōrō e ncha ea bahoeletsi ba 83 442 ka July. Baena ba entse boiteko bo babatsehang ba ho thusana, ’me ba bolela hore ba ananela haholo mosebetsi oa liphallelo o hlahang kantle.