Litaba Tsa Puso ea Molimo

Afrika Boroa: Ho khothatsa haholo ho tlaleha ka ho neheloa ha Liholo tse eketsehileng tse robong tsa ’Muso. Liphutheho tse amehang ke: Ellisras, Lorraine (Port Elizabeth), Maclear, Makhamangeni (Port Alfred), Maseru South, Palapye (Botswana), Phuthaditjhaba (Qwa-Qwa), Turfspruit (Potgietersrus), le Tshatshu (haufi le King William’s Town).

Angola: Ho tsoeloa pele ho fana ka tlaleho ea keketseho e babatsehang. Ka July ho bile le bahoeletsi ba etsang tlhōrō e ncha ea ba 18 911, ’me ho ile ha khannoa lithuto tsa Bibele tse 56 075.

India: Ka July ka kakaretso bahoeletsi ba tlalehileng ebile 12 169, kapa karolo ea 14 lekholong ho feta kakaretso ea selemong se fetileng. Lithuto tsa mahae tsa Bibele li finyeletse tlhōrō e ncha ea tse 10153.

Myanmar: Ka July ho bile le tlhōrō e ncha ea bahoeletsi ba 1958.

São Tomé le Príncipe: Ka July bahoeletsi ba etsang tlhōrō e akaretsang ea ba 80 ba ile ba tlaleha tšebeletso ea tšimo. Palo ea lithuto tsa Bibele tse ileng tsa khannoa—tse 382 ka July—e bontša hore tšimo ena e loketse ho ntša chai e khōlō.