Ke Tla Re’ng?

Ha re teana le batho ba arabelang hantle tšebeletsong, re lakatsa ho khutlela ho bona ho ba pakela ka ho eketsehileng. Leha ho le joalo, mohlomong ha re tsebe hantle seo re tla se bua ho qalisa puisano e latelang. Mohlomong u ka leka katamelo ena: Botsa potso e thahasellisang, ebe joale u phetla bukeng ea Ho Bea Mabaka ho mo bontša karabo ea Mangolo. Ho tla ba molemo ho ba le lethathamo la lipotso leo u ka khethang ho lona potso eo u ikutloang hore e tla arabeloa hantle poelong e itseng. Lethathamo le ka tlaase mona, le nkiloeng bukeng ea Ho Bea Mabaka, le bontša leqephe leo karabo e fumanoang ho lona:

◼ Ke hobane’ng ha re tsofala ’me re e-shoa? (217)

◼ Na ho na le mabaka a utloahalang a ho lumela ho Molimo? (329)

◼ Na ka sebele Molimo o tsotella se etsahallang rōna batho? (331)

◼ Na motho o tlameha ho ea leholimong hore a be le bokamoso bo thabileng ka sebele? (225)

◼ Ke hobane’ng ha e le ha bohlokoa ho tseba le ho sebelisa lebitso la botho la Molimo? (187)

◼ ’Muso oa Molimo o tla finyella eng? (337)

◼ Morero oa bophelo ba motho ke ofe? (83)

◼ Ke hobane’ng ha malumeli a le mangata hakana? (71)

◼ Motho a ka tseba joang hore na ke bolumeli bofe bo nepahetseng? (78)

◼ Satane ke sebōpuoa se matla hakae lefatšeng la kajeno? (391)

◼ Ke hobane’ng ha Molimo a lumella ho hlomoha? (130)

◼ Ke hobane’ng ha bokhopo bo le bongata hakaale? (64)

U ka kenya lethathamo le joalo la lipotso ka Bibeleng ea hao kapa ka bukeng ea Ho Bea Mabaka e le hore u fumane taba kapele. Ho nahana ka ntho e itseng e tobileng eo u tla e bua maetong a ho boela ho tla u khothalletsa ho tšepahala ho latella thahasello eohle eo u e fumanang.