Kemiso ea Liboka Tsa Tšebeletso
Beke e Qalang ka la 10 January
15 mets: Litsebiso tsa phutheho. Litsebiso tse khethiloeng ho Tšebeletso ea Rōna ea ’Muso.
15 mets: “Ho Tsebahatsa Lebitso la Jehova Lefatšeng Lohle.” Puisano ea lipotso le likarabo. Kenyelletsa litlhahiso tse mabapi le bopaki bo sa reroang tse bukeng ea Tšebeletso ea Rōna, leqepheng la 93-4.
15 mets: “Nahanisisa ka Lentsoe la Jehova Letsatsi le Leng le le Leng!” Puo le puisano le bamameli. Khothalletsa e mong le e mong ho sebelisa hamolemo bukana ea Ho Hlahlobisisa Mangolo Kamehla—2000. Akarelletsa litlhaloso tse selelekeleng, leqepheng la 3-4. Mema bahoeletsi hore ba hlalose kamoo ba etsang boiteko bo khethehileng kateng ba ho ho nahanisisa ka temana le litlhaloso tsa eona letsatsi le leng le le leng.
Pina 155 le thapelo e koalang.
Beke e Qalang ka la 17 January
10 mets: Litsebiso tsa phutheho. Tlaleho ea lichelete.
15 mets: Litlhoko tsa phutheho.
20 mets: “Sebelisa Lipampitšana ho Qalisa Moqoqo.” Hlahloba lipampitšana leha e le life tse ’nè tse atisang ho sebelisoa tšimong. Botsa potso e arajoang ke pampitšana ka ’ngoe. Kōpa bamameli hore ba fane ka litlhahiso tsa kamoo potso eo e ka sebelisoang kateng ho qalisa moqoqo ’me mohlomong le ho lebisa thutong ea Bibele. E-re ho etsoe pontšo ea kamoo sena se ka etsoang kateng ka lipampitšana tse peli.
Pina 57 le thapelo e koalang.
Beke e Qalang ka la 24 January
15 mets: Litsebiso tsa phutheho le liphihlelo tsa tšebeletso ea tšimo.
30 mets: “Tokisetso ea Rōna e Bebofalitsoeng ea Kabo ea Lingoliloeng.” Moholo ea tšoanelehang o hlahloba boitsebiso bo sehloohong sena le bamameli. Moholo eo a ka ’na a kenyelletsa le lintlha tse lengolong le tsoang ho Mokhatlo la la 15 October, 1999. Lokisetsa hore pula-maliboho kapa mohoeletsi ea nang le phihlelo ea lokiselitseng hantle a etse pontšo ea kamoo boitsebiso bo puong ena bo ka sebelisoang kateng tšebeletsong ea tšimo. A sebelisa e ’ngoe ea limakasine tsa morao-rao tse tla fanoa tšebeletsong ea tšimo mafelo-bekeng ana, mohoeletsi o kenyelletsa mong’a ntlo moqoqong ka taba e hlahang ho se seng sa lihlooho tsa eona. Ha mohoeletsi a lebisa tlhokomelo ntlheng e itseng ka ho khetheha makasineng eo, mong’a ntlo o re: “Ekare ea thahasellisa.” Mohoeletsi o re: “Ke tla thabela ho u siela makasine ena e le hore u ka thabela ho bala sehlooho sena hammoho le tse ling kaofela tse ka har’a makasine ena.” Mong’a ntlo oa botsa: “Limakasine tsee ke bokae?” Mohoeletsi oa araba: “Lingoliloeng tsa rōna ha li lefelloe, empa haeba u lakatsa ho fana ka monehelo o monyenyane bakeng sa mosebetsi oa rōna oa thupelo ea Bibele o etsoang lefatšeng ka bophara, ke tla thabela ho o amohela.” Mong’a ntlo o ntša monehelo ’me mohoeletsi o ntša enfelopo e khethetsoeng mosebetsi oa lefatše ka bophara hore a o tšele ka har’a eona ka ho toba. O leboha monehelo o ntšitsoeng ’me o bolela hore o tla fapohela hape ka litokollo tse latelang tsa limakasine. Pontšong ea bobeli e khutšoanyane, bontša ha mohoeletsi a sa siele mong’a ntlo sengoliloeng, hobane le hoja mong’a ntlo a ikemiselitse ho bua, ha a na thahasello ea sebele molaetseng oa ’Muso. O siela mong’a ntlo pampitšana. Pontšong ea boraro e khutšoanyane, bontša kamoo motho ea bontšang thahasello ea sebele empa a hlile a tšoarehile ka nako eo ’me ho sa bonahale ho loketse ka nako eo ho mo hlalosetsa kamoo mosebetsi oa rōna oa lefatšeng ka bophara o tšehetsoang kateng a ka sieloang pampitšana. Mohoeletsi o tšepisa ho khutla ka nako e ’ngoe e loketseng. Ha a khutlela teng, o tla leka ho fumana hore na mong’a ntlo o hlile o thahasella mosebetsi oa rōna kapa che, ’me haeba a o thahasella, a hlalose sebōpeho sa tšebeletso ea rōna le kamoo mosebetsi o tšehetsoang kateng.
Pina 157 le thapelo e koalang.
Beke e Qalang ka la 31 January
15 mets: Litsebiso tsa phutheho. Hopotsa bohle hore ba nehelane ka litlaleho tsa tšebeletso ea tšimo tsa January. Bolela sengoliloeng se tla tsamaisoa ka February: Buka ea Thabo ea Lelapa. E-re ho etsoe pontšo ea kamoo lipotso tse tharo tse lebokoseng le leqepheng la 12 la buka eo li ka sebelisoang kateng ho kenyelletsa motho moqoqong.
30 mets: Lokisetsa Hona Joale ho Tšehetsa Molao oa Molimo Tabeng ea Mali. Moholo ea tšoanelehang o bua ka bohlokoa ba ho tlatsa karete ea Advance Medical Directive/Release. Ka mor’a seboka sena, Lipaki tse kolobelitsoeng li ka iphumanela karete e ncha ea Advance Medical Directive/Release, ’me tse nang le bana ba banyenyane ba sa kolobetsoang li ka fumana Identity Card bakeng sa ngoana ka mong. Likarete tsena ha lia lokela ho tlatsoa mantsiboeeng ana. Li lokela ho tlatsoa ka hloko lapeng empa LI SE KE tsa saenoa. Ho saena, ho paka le ho ngola letsatsi likareteng tsohle ho tla etsoa ka mor’a Thuto ea Buka ea Phutheho bekeng e latelang, ka thuso ea mokhanni oa thuto ea buka moo ho hlokahalang. Pele le saena, tiisang hore likarete li tlatsitsoe ka ho feletseng. Ba saenang e le lipaki ba lokela hore ba hle ba bone ha mong’a karete a saena tokomane ena. Ka ho lumellanya mantsoe a leng kareteng ena le maemo a bona le seo ba se lumelang, bahoeletsi ba sa kolobetsoang ba ka ingolla litokomane tsa bona hammoho le tsa bana ba bona tseo ba tla li sebelisa. Bakhanni ba thuto ea buka ba lokela ho tiisa hore bohle ba abetsoeng lihlopheng tsa bona ba fumana thuso eo ba e hlokang ha ba tlatsa karete ea Advance Medical Directive/Release. Bakeng sa lintlha tse eketsehileng, bona lengolo la la 15 October, 1992. Tšohla lintlha tse amehang tse Lebokoseng la Lipotso ho Tšebeletso ea Rōna ea ’Muso ea September 1999. Khothalletsa barab’abo rōna hore ba latele tataiso ea ho etsa faele e nang le lihlooho tsohle tse boletsoeng Lebokoseng leo la Lipotso. Joale ba ka kenyelletsa le Tsoha! ea January 8, 2000.
Pina 60 le thapelo e koalang.
Beke e Qalang ka la 7 February
10 mets: Litsebiso tsa phutheho.
15 mets: Karabo ea Potso e Mabapi le ‘ho Tšoaea.’ Puo ka moholo, e thehiloeng ho Molula-Qhooa oa July 15, 1999, leqepheng la 29-31.
20 mets: Kamoo U ka Thusang ba Bang ho Khetholla Bolumeli ba ’Nete Kateng. Puisano pakeng tsa mohlanka ea sebeletsang ea tšoanelehang le bahoeletsi ba babeli kapa ba bararo ba nang le bokhoni mabapi le kamoo batho ba ka ’nang ba khahloa ke Lipaki tsa Jehova kateng empa ba sa utloisise ka ho hlaka phapang pakeng tsa malumeli a mang le ba rōna. Hlahloba lintlha tse leshome tse akarelitsoeng ho Tsoha! (ea Senyesemane) ea May 8, 1995, leqepheng la 20. Hlalosa kamoo ho tseba lintlha tsena ho ka thusang motho ea tšepahalang kateng hore a bone phapang pakeng tsa bolumeli ba ’nete le ba bohata hammoho le tlhokahalo ea ho ithuta ho batho ba Jehova le ho kopanela le rōna.
Pina 182 le thapelo e koalang.