Tsela ea ho Buella Limakasine

Molula-Qhooa Oct. 15

“Batho ba bang ba nahana hore ha ba e-na le chelete e ngata bophelo ba bona e tla ba bo khotsofatsang haholoanyane. Na u nahana hore ho joalo? [Emela karabelo.] Hlokomela seo monna e mong ea neng a ruile haholo a ileng a se ngola. [Bala Moeklesia 5:10.] Makasine ena e tšohla litekanyetso tse phahametseng leruo la lintho tse bonahalang.”

Molula-Qhooa Nov. 1

“Batho ba bangata ha ba tšepe hore baeta-pele ba batho ba ka khona ho rarolla mathata a kajeno. Na u nahana hore ho na le motho ea ka phethahatsang se boletsoeng esale pele litemaneng tsee? [Bala Pesaleme ea 72:7, 12, 16. Ebe u emela karabelo.] Makasine ena e hlalosa hore na moeta-pele enoa ea boletsoeng esale pele ke mang le hore na o tla finyella eng.”

Tsoha! Nov. 8

“Batho ba bangata ba bona bohlokoa ba ho koetlisa bana ba sa le banyenyane. Na u nahana hore see sea hlokahala kajeno? [Emela karabelo. Ebe u bala Liproverbia 22:6.] Tsoha! ena e tšohla lintho tse tobileng tseo batsoali ba ka li etsang ho thusa bana ba bona ho hōla e le batho ba lokileng le ba atlehileng.”

Nehelano e ’ngoe: “Bana ba hloka tataiso e le hore ba ka hlōla likhatello tseo ba tobanang le tsona kajeno, na ha ho joalo? [Emela karabelo. Ebe u bala Baefese 6:4.] Makasine ena e hlahloba se hlileng se boleloang ke taeo. Hape e tšohla kamoo batsoali ba ka tataisang bana ba bona le ho ba khalemela ba sa ba nyahamise.”