“Re U Etetse Hobane . . . ”

Ha beng ba matlo ba bula ’me ba re fumana re eme monyako, ba ka ’na ba ipotsa hore na re bo-mang le hore na re batla’ng. Re ka qala ka ho re’ng e le hore ba phutholohe? Bahoeletsi ba bang ha ba qeta ho lumelisa ba sebelisa lentsoe “hobane” ha ba bolela lebaka leo ba etileng ka lona. Ka mohlala ba ka ’na ba re: “Re u etetse hobane baahelani ba rōna ba bangata ba tšoenngoa ke tlōlo ea molao. U bona eka. . . ” kapa “Re u etetse hobane re ruta batho Bibele re sa ba lefise.” Haeba ho tloha qalong feela re bolella mong’a ntlo hore na ke hobane’ng ha re mo etetse, a ka ’na a rata ho mamela seo re se buang.