Ikhopotse Lintlha Tsa Sehlooho

Na u kile oa bala sehlooho eaba ha u sa hopola hore na se bua ka eng? Haeba ho joalo, ha u mong. Ebe re ka thusoa ke’ng? Ikhopotse lintlha tsa sehlooho.

Ha u ntse u ithuta, khafetsa ema hanyane u ikhopotse na u ithutile’ng. Moapostola Pauluse le eena o ne a thusa batho ba balang mangolo a hae ka hore a re: “Ntlha ea sehlooho . . . ke ena.” (Baheb. 8:1) Ka ho cho joalo o ne a ba hopotsa hore na o ntse a bua ka eng le hore na taba eo e amana joang le sehlooho.

Mohlomong u ka etsa hore ha u beha nako ea ho ithuta u kenyeletse le ea ho nahana ka lintho tseo u ithutileng tsona. Haeba u se u sa li hopole, sheba lihloohoana kapa polelo e jereng moko-taba. Ntho e ncha eo u ithutang eona, leka ho e hlalosa ka mantsoe a hao. Ha u ikhopotsa ntlha ea sehlooho u ka lula u hopola taba oa ba oa bona na u ka e kenyeletsa joang bophelong ba hao.