“Bokahohle Bohle ka Hloohong”

“Boko ba motho ke bokahohle bohle ka hloohong. Ke bona feela setho sa motho se nang le mesebetsi e ke keng ea lekanngoa,” ho bolela mohlalefi le setsebi sa boko Natalya Bekhtereva oa Soviet.

Bakeng sa ho sibolla mesebetsi e joalo, boko bo tlameha ho sebelisoa le ho hlakisoa. ’Me thuto ea bohlokoa ka ho fetisisa eo motho a ka sebelisang kelello ea hae ho eona ke ea Moqapi, Jehova Molimo.

Kahoo mongoli ea bohlale oa maele o boletse: “Ua e batla joale ka silivera [bohlale], ua e rafa joaloka matlotlo a patiloeng mobung; ke moo u tla tseba ho tšaba Jehova, u fihlele tsebo ea Molimo.”—Liproverbia 2:1-5.

Na u sebelisa boko ba hao bakeng sa ho fumana ‘tsebo eo e bohlokoa ea Molimo’?