Mofuta o Babatsehang ka ho Fetisisa oa Lerato

HANGATA ka Mangolong a Segerike a Bakreste, kapa Testamenteng e Ncha, lentsoe “lerato” le fetolela lentsoe la Segerike a·gaʹpe.

Ha buka ea Insight on the Scripturesa e hlalosa lentsoe lena, e re: “[A·gaʹpe] hase maikutlo feela a thehiloeng kamanong eo motho a bang le eona le ba bang, joalokaha hangata batho ba nahana joalo, empa ke lerato le thehiloeng boikhethelong le laoloang ke molao-motheo, tlamo le se loketseng, ’me ka tieo le batlela ba bang se molemo tumellanong le se nepahetseng. A·gaʹpe (lerato) e hlōla bora, ha ho mohla e bo lumellang hore bo etse hore motho a lahle melao-motheo e lokileng ’me le eena a bontše bora ha ba bang ba bontša bora ho eena.”

A·gaʹpe e boetse e akarelletsa boikutlo bo tebileng. Moapostola Petrose o ile a fana ka keletso e reng: “Le bontšane lerato [a·gaʹpe] le matla haholo.” (1 Petrose 4:8) Kahoo, ho ka boleloa hore a·gaʹpe e ama pelo esita le kelello. Ke hobane’ng ha u sa hlahlobe mangolo a mang a bontšang matla le ho pharalla ha lerato lee le babatsehang ka ho fetisisa? Mangolo a latelang a ka ba molemo: Matheu 5:43-47; Johanne 15:12, 13; Baroma 13:8-10; Baefese 5:2, 25, 28; 1 Johanne 3:15-18; 4:16-21.

[Mongolo o botlaaseng ba leqephe]