Bophelo bo Naka li Maripa

’Mè Sallya o ile a lahleheloa ke lintho tse ngata haholo ka mor’a hore leholiotsoana le otle sebaka seo a lulang ho sona Amerika. O ile a re: “Ke ne ke sa khone ho mamella bohloko boo ke bo utloileng, e ne eka nka qhashoha.”

Ntho e ’ngoe e re utloisang bohloko ke lefu. ’Mè Janice oa Australia o re: “Ha bara ba ka ba babeli ba hlokahala, ke ile ka utloa bohloko bo otlang pelo. Ka rapela ka re: ‘Ntate, ha ke sa khona ho mamella, ke kopa u ntlohele ke iphomolele. Hee! ho lekane.’ ”

Ntate Daniel eena o ne a utloisitsoe bohloko ke hore mosali oa hae o ne a mo tsoile tlaase. O re: “Ha a mpolella, ke ile ka utloa eka ke hlajoa ka lerumo. Ke qetile likhoeli ke kula ebile pelo ea ka e le bohloko.”

Molula-Qhooa ona o tla re thusa ho hlokomela hore na ke eng e ka re thusang ho thabela ho phela le ha:

• re hlaheloa ke likoluoa

• re hlokahalloa

• molekane a sa tšepahale

• re kula

• ho nyolosetsa

A re qale ka hore na re ka etsa’ng ha re hlaheloa ke koluoa.