Litaba Tsa Puso ea Molimo

◆ Australia e tlalehile tlhōrō ea bahoeletsi ba 54 306 ka March, e leng tlhōrō ea bona ea boraro e latellanang.

◆ Bolivia e bile le litlhōrō tse hlano tsa bahoeletsi likhoeling tse qalang tse supileng selemong sena sa tšebeletso. Tlhōrō e ncha e ile ea finyelloa ka March, ha tlaleha bahoeletsi ba 8031. Bahoeletsi ba phutheho ba ile ba etsa karolelano ea lihora tse 14,4 tšebeletsong. Palo ea ba bileng teng Sehopotsong e bile 33 377, e leng e menang palo ea bahoeletsi ka makhetlo a mane.

◆ Ka mor’a lilemo tse robong tsa thibelo, Nicaragua e ile ea boela ea qala ho sebetsa joaloka lekala ka la 1 May, 1991. Baromuoa ba bahlano bao pele ba neng ba abetsoe ho sebetsa Nicaragua ba ile ba khona ho khutlela teng ho ea ntšetsa pele tšebeletso ea boromuoa moo.

◆ Liphutheho tsa Madadeni North le Newcastle Central ka ho fapana li ile tsa nehela Liholo tsa ’Muso ka June. Li tla sebelisoa ke liphutheho tse ’nè tse sebakeng sa Newcastle. Batho ba 615 ba ne ba le teng liketsahalong tseo. Phutheho ea Montebello, le eona e Natala, e ile ea nehela Holo ea eona e ncha ea ’Muso ka July.