Lebokose la Lipotso

◼ Lethathamo la Lipaki tsa Jehova le lokela ho hlaha joang bukeng ea lithelefono ea sebaka ka seng?

Ho hlokomelehile hore ho na le ho se tšoane ho hoholo tseleng eo Lipaki tsa Jehova li hlahang ka eona lethathamong le libukeng tsa lithelefono. A mang a batla a ferekanya, ’me a mang ha a fane ka boitsebiso bo lekaneng. Ke habohlokoa hore ho be le lethathamo le fanang ka boitsebiso bukeng ea thelefono, ho nolofalletsa batho ba thahasellang le barab’abo rōna ho iteanya le phutheho ea sebaka ka seng.

Ho buelloa lethathamo le latelang: Jehovah’s Witnesses, (Motse kapa Toropo), e lateloe ke aterese ea Holo ea ’Muso le nomoro ea thelefono.

Metseng eo ho nang le liphutheho tse fetang bonngoe, re buella se latelang: Jehovah’s Witnesses, (Motse), e lateloe ke lethathamo la mabitso ho latela litlhaku tsa alfabeta, aterese ea Holo ea ’Muso, le nomoro ea thelefono ea phutheho ea sebaka ka seng.