Lebokose la Lipotso

◼ Na phutheho e lokela ho maneha ’mapa o feletseng oa tšimo Holong ea ’Muso?

E, ’mapa o feletseng oa tšimo o lokela ho kenngoa foreimeng ’me o manehoe leboteng Holong ea ’Muso. ’Mapa ha oa lokela ho behoa lematjaneng la litsebiso. O lokela ho bontša meeli ea tšimo e abetsoeng phutheho le meeli ea tšimo ea motho ka mong e nang le nomoro ea eona e e filoeng. Meeli ea tšimo ea liphutheho tsohle tse sebelisang Holo e le ’ngoe ea ’Muso e lokela ho bontšoa. Sena se tla thusa bahoeletsi hammoho le batho ba sa tsoa thahasella hore ba bone hore na ba lula tšimong ea phutheho efe. Ho bontša hore na litsi tsa Thuto ea Buka ea Phutheho li hokae ’mapeng le hona ho tla thusa bohle ho fumana thuto ea buka eo ba e abetsoeng. ’Mapa o lokela ho lula o le nakong.

Ho maneha ’mapa o joalo ho tla sebeletsa le khopotso ho bahoeletsi bohle hore, haeba ho khoneha, ho tla ba hotle hore motho ka mong a be le tšimo eo a e abetsoeng. ’Mapa o tla thusa ba batlang ho khetha tšimo e haufi le malapa a bona. Ka linako tse ling o ka boloka nako libokeng tsa tšebeletso, oa nolofaletsa mokhanni oa tsona hore a khone ho lebisa sehlopha ka seng sa bahoeletsi sebakeng seo se abetsoeng ho ea se sebetsa ka potlako.

’Mapa o boetse o fana ka bopaki ba hore phutheho e hlophisehile hore e bolele molaetsa oa ’Muso ka ho feletseng tšimong eo e e abetsoeng.—Luka 9:6.