Tsela ea ho Buella Limakasine

Molula-Qhooa Nov. 15

“Re ’nile ra utloa polelo e reng ‘Jesu o re shoetse.’ [Qotsa Johanne 3:16.] Na u kile ua ipotsa hore na ke joang lefu la motho a le mong le ka re pholosang kaofela? [Mo lumelle ho araba.] Bibele e fana ka karabo e bonolo. Sehlooho sena se reng, ‘Jesu oa Pholosa—Joang?,’ se e hlalosa ka ho hlakileng.”

Molula-Qhooa Dec. 1

“Nakong ena ea selemo batho ba tšoarehile haholo ka ho fana ka limpho le ho etsa mesebetsi e meng e bontšang mosa. Sena se hopotsa motho Molao oa Khauta [Bala Matheu 7:12.] Na u nahana hore batho ba ka khona ho phela tumellanong le molao oo selemo ho pota? [Mo lumelle ho araba.] Makasine ena e etsa hore motho a nahane ka ho teba ka sena, ‘Molao oa Khauta—Na o sa Ntse o Sebetsa?’”

Tsoha! Dec. 8

“Bibele e tšepisa hore ka letsatsi le leng ha ho na ea tla re ‘kea kula.’ [Bala Esaia 33:24.] Tumellanong le tšepiso eo, tokollo ena ea Tsoha! e lebisa tlhokomelo ho kuleng ho hlokofatsang batho ba limilione, ba bacha le ba hōlileng. Sehlooho sa eona se re ‘Tšepo Bakeng sa ba Tšoeroeng ke Ramatiki.’ Ke kholisehile hore u tla rua tsebo e ngata lihloohong tsena.”

Nehelano e ’ngoe: “Na batho ba etsa sohle seo ba ka se khonang ho sireletsa tikoloho? [Mo lumelle ho araba.] Ba bangata ba ipotsa hore na lintho tse hlokang tlhokomelo tse phelang lefatšeng le tikoloho ea tsona li tla ba teng ka ho sa feleng na. Ho thabisang ke hore Molimo o na le thahasello e khōlō. [Bala Nehemia 9:6.] Tsoha! ena e bua ka seo bokamoso bo se tšoaretseng tsohle tse phelang lefatšeng.”