Tsela ea ho Buella Limakasine

Molula-Qhooa Apr. 15

“Ho sa tsotellehe hore na batho ba phela hokae, ba thahasella tšireletseho, joaloka ho fumana mosebetsi o khotsofatsang le ho lula ho oona. Empa na u kile ua nahana ka mohloli oa tšireletseho e tšoarellang, o ka etsang hore u sireletsehe ka ho sa feleng? [Bala Pesaleme ea 16:8, 9.] Tokollo ena ea Molula-Qhooa e hlahloba moo tšireletseho ea sebele e ka fumanoang teng.”

Molula-Qhooa May 1

“Na u tseba motho ea itseng ea kulang haholo kapa ea holofetseng? Ntle ho pelaelo, u tla lumela hore batho ba joalo ba hloka khothatso. Empa re ka re’ng ha re ba khothatsa? Bibele e fana ka tšepo. [Bala Esaia 35:5, 6.] Tokollo ena ea Molula-Qhooa e hlalosa lebaka leo re ka kholisehang ka lona hore boprofeta bona bo tla phethahala.”

Tsoha! May 8

“Selemong sena se fetileng, khotso e lukehile ho feta leha e le neng pele. Na u nahana hore ho matleng a mebuso ea batho ho tlisa khotso lefatšeng? [Ka mor’a karabelo, bala Esaia 2:4.] Tokollo ena ea Tsoha! e bontša lebaka leo re ka kholisehang ka lona hore haufinyane khotso ea lefatše e tla ba taba ea sebele.”

Nehelano e ’ngoe: “Ba bangata kajeno ba khaotsa ho ea kerekeng ba ithapella Molimo ka tsela ea bona. U nahana’ng ka tšekamelo ee? [Emela karabelo.] Bibele e bontša hore Molimo o tsotella tsela eo re mo rapelang ka eona. [Bala Johanne 4:24.] Tokollo ena ea Tsoha! e bontša tsela e molemo ka ho fetisisa ea ho khotsofatsa litlhoko tsa hao tsa moea.”