Tsela ea ho Buella Limakasine

Molula-Qhooa June 15

“Batho ba bang ba nahana hore Jesu ke motho e moholo ka ho fetisisa historing. Ba bang ba ipotsa hore na ebe o kile a phela. Na u nahana hore seo re se lumelang ka eena ke sa bohlokoa? [Ha a se a arabetse, bala Liketso 4:12.] Ho na le bopaki bofe bo bontšang hore Jesu o kile a phela lefatšeng? Makasine ena e araba potso eo.”

Molula-Qhooa July 1

“E ’ngoe ea lintho tsa bohlokoa ka ho fetisisa tseo re li hlokang ke ho rata le ho ratoa. [Bala mantsoe a setšoantšong se leqepheng la 4.] Leha ho le joalo, na u hlokometse hore batho ba bangata kajeno ba nka lintho tse ling e le tsa bohlokoa ka ho fetisisa? [Emela karabelo.] Makasine ena e hlalosa seo lerato la ’nete le leng sona le kamoo le ka hlaoleloang kateng.” Bala 1 Bakorinthe 13:2.

Tsoha! July 8

“Batho ba bangata ba amehile haholo ka ho eketseha ha pefo. [Etsa mohlala ka ketsahalo e tsebahalang sebakeng sa lōna, ebe u emela karabelo.] Makasine ena e hlahloba tse ling tsa lintho tse bakang tlōlo ea molao e mabifi. Hape e bua ka seo Molimo a tla se etsa ho felisa tlōlo ea molao le pefo hang le ka ho sa feleng.” Bala Pesaleme ea 37:10, 11.

Nehelano e ’ngoe: “Batho ba bangata ba amehile haholo ka tikoloho. Na u nahana hore ho ka khoneha hore meru ea lefatše e lulang e le metala e sireletsoe? [Emela karabelo.] Makasine ena e tšohla boiteko bo etsoang hona joale ba ho sireletsa meru e lulang e le metala. Hape e tšohla kamoo tšepiso ena e hlollang ea Molimo e tla phethahatsoa kateng.” Bala Esaia 11:9.