Khanna Lithuto Tsa Bibele ka Buka ea Rapela Molimo

Buka ea Rapela Molimo a le Mong Feela oa ’Nete e hatisitsoe ka morero oa ho thusa ba bacha ho hatela pele ’neteng le ho tebisa kananelo ea bona ka Jehova le mokhatlo oa hae o hlophisitsoeng. E ka sebelisoa e le buka ea bobeli e ithutoang le liithuti. Tšebeletso ea Rōna ea ’Muso ea June 2000, leqepheng la 4, e hlalositse: “Haeba ho totobetse hore motho o tsoela pele, le hoja e le ka tsela e iketlileng, le hore o hlaolela kananelo ea seo a ithutang sona, joale tsoela pele ka thuto ea Bibele bukeng ea bobeli ka mor’a hore a qete bukana ea Seo a se Hlokang le buka ea Tsebo. . . . Maemong ana kaofela, bukana ea Seo a se Hlokang le buka ea Tsebo li tla ithutoa pele. Thuto ea Bibele, maeto a ho boela le nako e qetiloeng ho ntšetsoa pele thuto li lokela ho baloa le ho tlalehoa, esita leha seithuti se ka kolobetsoa pele se qeta buka ea bobeli.”

Ke bo-mang hape ba ka ruang molemo thutong ea Bibele ka buka ea Rapela Molimo? Sehlooho sona seo se re: “Haeba u tseba ba bang ba ileng ba ithuta [bukana ea Seo a se Hlokang le] buka ea Tsebo nakong e fetileng empa ho se mohla ba kileng ba tsoela pele ho leba boinehelong le kolobetsong, u ka ’na ua nka bohato ba pele ho bona hore na ba ka rata ho qala thuto ea bona ea Bibele hape.” A re etseng boiteko bo khethehileng ba ho qalisa lithuto ka buka ea Rapela Molimo le batho ba joalo ka April le May.