Ka Kōpo ba Etele ka Potlako

U etele bo-mang ka potlako? U etele batho ba kōpang ho isetsoa libuka kapa limakasine kamehla kapa ba ka ratang hore Lipaki li ba etele malapeng a bona. Likōpo tsee li tsoa hokae? Li tsoa ho batho ba ngollang ofisi ea rōna ea lekala kapa ba e founelang kapa ba sebelisang mocha oa rōna oa boitsebiso oa Inthanete o tsebahalang. Ha batho ba bontša thahasello ka tsela eo, ofisi ea lekala e tsebisa phutheho e haufi le motho eo ka ho e romela foromo ea S-43 e leng leqetšoana le nang le sehlooho se reng, “Ka Kōpo Latela.” Ha baholo ba fumana foromo ea S-43, ba lokela hore hang-hang ba e fetisetse ho mohoeletsi ea tla ikitlaelletsa ho thusa motho eo ea thahasellang. Haeba mohoeletsi eo a e-na le bothata ba ho fumana motho eo lapeng, a ka ’na a leka ho mo founela kapa ho mo siela lengolo ka masene. Haeba u kōptjoa hore u etele motho ea joalo ea thahasellang, re kōpa hore u etse matsapa ’ohle a ho kopana le eena ka potlako.